| Summary: | Tilgangur: Þekking barnshafandi kvenna á Íslandi á tengslum milli meðgöngu og mögulegra munnkvilla er á huldu. Markmið rannsóknarinnar var að kanna almenna þekkingu barnshafandi kvenna á Íslandi á mögulegum áhrifum meðgöngu á tannheilsu og mögulegum kvillum sem kunna að koma upp eða aukast á meðan á meðgöngu stendur. Aðferðir: Í rannsókninni var notast við megindlega aðferðafræði þar sem rafræn spurningakönnun var send út og notað snjóboltaúrtak til að ná til þátttakenda. Könnuninni var dreift á Facebook bæði í opna og lokaða hópa. Notast var við lýsandi tölfræði til að birta niðurstöður. Niðurstöður: Alls tóku 300 barnshafandi konur þátt í rannsókninni. Ríflega helmingur 56,0% (n = 168) þeirra var 30 ára og yngri og meiri hluti 61,0% (n = 183) var með háskólamenntun. Út frá meðaleinkunn á þekkingu þátttakenda á tannholdsbólgu, reyndist meirihluti 62,5% þekkja einkenni tannholdsbólgu og 61,5% þekkja atriði sem minnka áhættu á tannholdsbólgu. Hins vegar þekkir minnihluti 42,7% orsakir tannskemmda og 37,2% tannholdsbólgu. Meirihluti þátttakenda, 76,7%, telur sig ekki hafa fengið fræðslu um tannheilsu á meðgöngu og yfirgnæfandi meirihluti, 93,0%, telur þörf á frekari fræðslu. Flestir (80,4%) myndu vilja fá fræðslu um tengsl meðgöngu og munnkvilla í Mæðravernd. Ályktun: Niðurstöður þessarar rannsóknar benda til þess að þekking barnshafandi kvenna á Íslandi á áhrifum meðgöngu á tannheilsu sé ábótavant. Fáar telja sig hafa fengið fræðslu um efnið og mikill meirihluti er sammála því að þörf sé á betri fræðslu um tannheilsu á meðgöngu til barnshafandi kvenna. Efnisorð: Tannsmíði, tannheilsa, meðganga, tannholdsbólga, samfélagsmiðlar Purpose: The knowledge of pregnant women in Iceland about the relationship between pregnancy and possible affect on oral health is unknown. The aim of this study was to evaluate the general knowledge of pregnant women in Iceland about possible effects of pregnancy on dental health that may arise or increase during pregnancy. Methods: Quantitative methodology was used in the study in which ...
|
|---|