| Summary: | Klínískir lyfjafræðingar búa yfir sérþekkingu á lyfjum og eru mikilvægir meðlimir í þverfaglegum teymum heilbrigðisstarfsfólks víðsvegar um heim. Hérlendis fer klínískum lyfjafræðingum fjölgandi og hefur mikil framþróun átt sér stað síðustu ár innan starfsgreinarinnar, sér í lagi með nýju sérnámi í klínískri lyfjafræði við Háskóla Íslands. Markmið rannsóknarinnar var að öðlast skilning á upplifun klínískra lyfjafræðinga af klínískum störfum á Íslandi. Engar sambærilegar rannsóknir hafa áður verið gerðar hér á landi. Aðferðafræði. Unnið var út frá eigindlegri rannsóknaraðferð. Tekin voru 10 hálf opin einstaklingsviðtöl við klíníska lyfjafræðinga á Íslandi. Við úrvinnslu og greiningu gagna var unnið eftir hugmyndafræði grundaðrar kenningar þar sem rannsakandi greindi út frá gögnunum þemu sem vörpuðu ljósi á sameiginlega þætti. Niðurstöður. Niðurstöður rannsóknarinnar leiddu helst í ljós að starf klínískra lyfjafræðinga á Íslandi sé óskilgreint, upp að vissu marki fyrir þeim sjálfum en ekki síður upplifðu flestir viðmælendur annað heilbrigðisstarfsfólk ekki nógu meðvitað um störf klínískra lyfjafræðinga. Helstu ástæður óskilgreinds starfs töldu viðmælendur fámenna stétt og slitrótta þjónustu. Þá helstu afleiðingar erfiðleika við að tilheyra þverfaglegum teymum. Niðurstöðurnar leiddu enn fremur í ljós að klínískum lyfjafræðingum skorti stefnu og sýn til þess að vinna eftir. Þá töldu flest allir viðmælendur stétt klínískra lyfjafræðinga skorta stuðning og viðurkenningu frá Landspítala, heilbrigðisyfirvöldum og stéttarfélagi. Fyrr yrði stéttinn hvorki áhrifameiri né raunverulegur hluti af heilbrigðisþjónustu á Íslandi. Ályktanir. Til þess að innleiða klíníska lyfjafræðiþjónustu með góðum árangri inn í heilbrigðisþjónustu hérlendis þarf klínísk hæfni klínískra lyfjafræðinga, hlutverk og ábyrgð þeirra að vera tilgreind og lýst með skilmerkilegum hætti. Bæði fyrir klínískum lyfjafræðingum en ekki síður öðru heilbrigðisstarfsfólki. Þá er mikilvægt að yfirvöld vinni markvisst að því að styðja við og efla klíníska þjónustu ...
|
|---|