| Summary: | Bakgrunnur: Covid-19 heimsfaraldurinn hefur geisað á Íslandi síðan snemma árs 2020. Á meðan fyrsta bylgjan reið yfir hér á landi var ákveðið að breyta fyrirkomulagi á fimm daga skoðun nýbura. Sú breyting fól í sér að Sjúkratryggingar Íslands breyttu tímabundið samningi við ljósmæður sem fólst í því að þær fengu auka vitjun til að sinna foreldrunum og nýju barni í heimaþjónustu á þeim tíma sem fimm daga skoðunin hefði átt að fara fram. Tilgangur: Tilgangur rannsóknarinnar er að kanna hvort breytingar hafi orðið á komutíðni nýbura á dagdeild Vökudeildar/Vökudeild í fyrstu bylgju Covid-19 faraldursins á Íslandi þegar hefðbundnar fimm daga skoðanir lágu niðri. Markmið: Markmið rannsóknarinnar er að auka umræðu um fyrirkomulag nýburaskoðana á 5.−7. degi hjá nýburum sem fæðast á höfuðborgarsvæðinu og útskrifast í heimaþjónustu með móður. Aðferð: Rannsóknin er afturvirk lýsandi samanburðarrannsókn þar sem gögn eru fengin frá vöruhúsi gagna á Landspítala. Gögnin eru greind með lýsandi tölfræði. Niðurstöður: Alls komu 34 börn inn á dagdeild Vökudeildar/Vökudeild yfir rannsóknartímabilið, 21 barn árið 2019 og 13 árið 2020. Algengasta ástæða komu árið 2019 var nýburagula en árið 2020 voru tvær ástæður algengastar, nýburagula og einkenni frá öndunarfærum. Umræður: Rannsóknir sýna að fyrirkomulag nýburaskoðana er ekki með sama hætti alls staðar og er þetta þjónusta sem er mikilvægt að bjóða upp á. Komum nýbura á dagdeild Vökudeildar fjölgaði ekki þrátt fyrir að fimm daga nýburaskoðanir lágu niðri og gefur það vísbendingu um að hægt sé að reyna að nýta mannafla innan heilbrigðiskerfisins á þann hátt að þekking og færni allra skili sér á sem bestan hátt. Niðurstöður rannsóknarinnar gefa tilefni til frekari rannsókna á efninu og er innlegg í umræðu um fyrirkomulag fimm daga skoðana. Lykilorð: Nýburi (e. newborn), nýburaskoðun (e. newborn examination), COVID, coronavirus, endurinnlögn (e. readmission), ljósmóðurfræði (e. midwifery). Background: Covid pandemic has been raging in Iceland since the beginning of 2020. During the ...
|
|---|