Þátttaka foreldra í íslenskunámi og lestrarþjálfun barna sinna : tengjumst - kennarar og foreldrar barna af erlendum uppruna : myndband og fræðsluefni á tengjumst.hi.is

• Main Author: Stefanía Lára Ólafsdóttir 1995-
• Other Authors: Háskóli Íslands
• Format: Thesis
• Language: Icelandic
• Published: 2021
• Subjects: Meistaraprófsritgerðir; Grunnskólakennsla yngri barna; Fræðsluefni; Samstarf heimila og skóla; Íslenskukennsla; Íslenska sem annað mál; Vinnu; Vina; sami
• Online Access: http://hdl.handle.net/1946/40085

Þátttaka foreldra í íslenskunámi og lestrarþjálfun barna sinna er myndband og vefsíða, eitt af fjórum meistaraverkefnum undir regnhlífinni Tengjumst – kennarar og foreldrar barna af erlendum uppruna. Sameiginlegt markmið höfunda var að búa til fræðsluefni fyrir foreldra til þess að styrkja tengsl þeirra við grunnskóla, í þágu barnanna. Fræðslumyndböndin eru á arabísku, íslensku, pólsku og spænsku og eru birt á vefnum tengjumst.hi.is. Vefurinn geymir allar myndirnar ásamt ítarlegar upplýsingar um þátttöku foreldra í grunnskólastarfi á Íslandi. Markmið þessa verkefnis er að að fræða foreldra af erlendum uppruna um íslenskunám og lestrarþjálfun barna í grunnskólum á Íslandi. Byggt er á rannsóknum um innflytjendur hérlendis, íslenskunám barna af erlendum uppruna og tengsl heimila og skóla. Í myndbandinu er áhersla lögð á tungumálanám og orðaforðaþjálfun gegnum lestur barnabóka. Fjallað er um mikilvægi þess að foreldrar taki þátt í námi barna sinna til að stuðla að virku fjöltyngi þeirra, vellíðan og námsárangri. Þá er rætt um jákvæð áhrif þess að foreldrar lesi reglulega með börnum sínum, hlusti á þau lesa og ræði við þau um innihaldið. Efnið veitir foreldrum aðferðir til að styðja við tungumála- og lestrarnám barna sinna. Vinnan við þetta verkefni var einstaklega skapandi og skemmtileg. Í gegnum fjölbreytilegt vinnuferli fékk ég bæði tækifæri til sjálfstæðrar vinnu og samvinnu þar sem ég lærði af samnemendum, leiðbeinanda og öðrum þátttakendum. Þá áttaði ég mig á því að áhugi minn á innflytjendum og innflytjendabörnum fer sífellt vaxandi. Réttur innflytjendafjölskyldna til traustra upplýsinga um skólastarf er sá sami og annarra fjölskyldna og ég er ánægð með að verkefnið gefur foreldrum og börnum með fjölbreyttan tungumálabakgrunn tækifæri til að tengjast íslensku skólastarfi. Fræðslumyndbandið Þátttaka foreldra í íslenskunámi og lestrarþjálfun barna sinna er framleitt í samstarfi fjögurra meistaranema, leiðbeinanda þeirra, kvikmyndatökumanna af kennslusviði Háskóla Íslands, þýðenda og vina okkar sem léku í ...