Upplifun ólögráða ungmenna sem notuðu hugbreytandi efni af inngripi og meðferð tengt þeirri notkun

• Main Authors: Jóhanna Björk Sigurbjörnsdóttir 1972-, Júdit Sóphusdóttir 1993-
• Other Authors: Háskólinn á Akureyri
• Format: Thesis
• Language: Icelandic
• Published: 2021
• Subjects: Sálfræði; Unglingar; Fíkniefni; Neyðaraðstoð; Meðferð; Frú Ragnheiður; Akureyri; Háskólans á Akureyri; University of Akureyri
• Online Access: http://hdl.handle.net/1946/40029

Rannsóknarritgerð þessi er lokaverkefni til B.A. gráðu í sálfræði við hug- og félagsvísindasvið Háskólans á Akureyri haustið 2021. Meginmarkmið þessa eigindlega rannsóknarverkefnis var kanna upplifun einstaklinga sem ánetjast höfðu hugbreytandi efnum fyrir 18 ára aldur af inngripum og meðferðum vegna vímuefnavanda þeirra á þeim tíma. Í fræðilegri samantekt verkefnisins var rýnt í algeng inngrip og aðferðir sem notaðar eru í málefnum ungmenna sem nota hugbreytandi efni sem og skoðuð mismunandi siðferðileg álitamál í því samhengi. Fjallað var um íslenska barnaverndarlöggjöf og heilbrigðislöggjöf í samhengi við vímuefnanotkun ungmenna. Rannsóknir og lög nágrannalanda voru höfð til samanburðar. Rannsókn þessi er ein af þeim fyrstu sinnar tegundar á Íslandi. Helstu niðurstöður þemagreiningar sýndu að viðmælendur upplifðu öll neikvæða og slæma reynslu af neyðarvistun á Stuðlum sem og að löglegt, frjálst aðgengi að skaðaminnkandi þjónustu Frú Ragnheiðar fyrir börn yngri en 18 ára yrði hjálplegra og myndi leiða af sér öruggari notkun hugbreytandi efna, minni tilraunastarfsemi, minni hættu og minni jaðarsetningu. Viðmælendur töldu mikilvægt að þeim sé mætt af skilningi og mannúð í stað hörku og valdbeitingar af hálfu starfsfólks stofnanna og að ábyrgð foreldra sé ekki tekin af þeim heldur yrði unnið meira með foreldra og fjölskyldur heldur en að senda barn á stofnun. Fordómaleysi, heiðarleiki, stuðningur og ást myndi stuðla að betri samvinnu og samskiptum og uppskera þess yrði betri líðan og betri leið í átt að bata. Lykilhugtök: Skaðaminnkun, hugbreytandi efni, Frú Ragnheiður, börn, neyðarvistun This research thesis is the final assignment for a B.A. degree in psychology, with a major in social sciences at the University of Akureyri, Autumn 2021.The main goal of this assignment is to analyze the experiences of individuals who had grappled with addictions to mind-altering drugs before the age of 18. In this overview, we will be addressing intervention and methods commonly utilized for teens who struggle with addiction ...