Þróun starfshátta í Laugalækjarskóla 2000 - 2008

• Main Author: Auður Árný Stefánsdóttir
• Other Authors: Háskóli Íslands
• Format: Thesis
• Language: Icelandic
• Published: 2009
• Subjects: Náms- og kennslufræði; Meistaraprófsritgerðir; Laugalækjarskóli; Unglingastig grunnskóla; Skólaþróun; Námsmat; Einstaklingsmiðað nám; Reykjavík
• Online Access: http://hdl.handle.net/1946/3972

Útdráttur Í þessari ritgerð verður fjallað um breytingar á kennslu og starfsháttum á unglingastigi í Laugalækjarskóla í Reykjavík, þar sem unnið hefur verið skipulega að því á undanförnum árum að þróa einstaklingsmiðaðar kennslu- og námsmatsaðferðir. Þróunarstarfið í skólanum tengdist m.a. stefnumörkun Reykjavíkurborgar um einstaklingsmiðað nám. Sagt er frá innleiðingu þeirrar námsaðferðar sem kennd hefur verið við námsmöppu (portfolio). Öll stærri próf, svo sem miðsvetrar- og vorpróf, hafa verið aflögð í skólanum og námsmat orðið hluti af eðlilegu, daglegu skólastarfi, ekki tímabundið og prófamiðað, sem skilar sér í aukinni ánægju nemenda, foreldra og starfsfólks. Gerð er grein fyrir rannsóknarverkefni sem tekið var upp í 10. bekk og kemur í stað vorprófa í sex bóklegum greinum. Einnig er sagt frá svokölluðum möppudögum sem koma í stað prófadaga. Rætt er um breytt fyrirkomulag kennslu í 7. og 8. bekk, og nýja útfærslu foreldraviðtala. Reynt er að svara því hvað hafi skapað skilyrði fyrir breytingunum í skólanum og hver hafi verið og sé ávinningur nemenda, kennara og foreldra af þeim. Fjallað er um nauðsyn breytinga á kennslu á unglingastigi, og um tækifæri og hindranir í þróunarstarfi kennsluhátta í unglingaskóla. Leitast er við að skýra þann ávinning sem náðist með hliðsjón af niðurstöðum rannsókna á árangursríku þróunarstarfi. Lykilorð: Þróunarstarf.