,,Hann er ekki að vera óþekkur, hann er að vera skapandi" : ávinningar og áskoranir við samþættingu nýsköpunarmenntar og grenndarnáms

• Main Author: Anna Katrín Þórarinsdóttir 1984-
• Other Authors: Háskóli Íslands
• Format: Thesis
• Language: Icelandic
• Published: 2021
• Subjects: Meistaraprófsritgerðir; Kennsla íslensku; Nýsköpunarmennt; Samþætting námsgreina; Grenndarfræðsla; Draga; Vinnu; Iceland
• Online Access: http://hdl.handle.net/1946/39606

Ég er grunnskólakennari í litlum grunnskóla á Suðurlandi. Fyrra nám mitt í Kaospilot-skólanum í Árósum hefur haft mikil áhrif á kennsluhætti mína og hefur mig alltaf langað til að gefa vinnu nemenda minna aukið gildi sem næði út fyrir veggi kennslustofunnar. Veturinn 2020-2021 samþætti ég kennsluaðferðir nýsköpunarmenntar og grenndarnáms í fyrsta bekk. Markmið þessarar rannsóknar var að gera starfendarannsókn þar sem ég drægi fram og rýndi í ávinninga og áskoranir sem fylgdu þessari samþættingu. Nemendur skoðuðu hjá mér hugmyndina um ,,að vera skapandi“, fengu þjálfun í nýsköpunarvinnu, rannsökuðu samfélagslegt nærumhverfi sitt og unnu nýsköpunarverkefni til að hafa áhrif á það. Ég safnaði gögnum í rannsóknardagbók sem ég skráði í vangaveltur um vinnu mína og nemenda minna; samskipti mín við nemendur og samstarfsaðila og samskipti nemenda sín á milli. Verkefni nemenda nýtti ég einnig sem gögn. Sem dæmi um slík gögn má nefna myndverk nemenda og frumgerðir lausna í hugmyndavinnu. Þegar nemendur unnu sjálfstæða verkefnavinnu framkvæmdi ég vettvangsathuganir, fylgdist með þeim við vinnu og skráði hjá mér það sem greip athygli mína. Niðurstöðurnar sýna að samþætt nám nýsköpunarmenntar og grenndarnáms reyndist góður kostur í kennslu fyrsta bekkjar. Starfið efldi atbeina nemendanna og jók ánægju þeirra í námi. Samþætting nýsköpunarmenntar og grenndarnáms kallar á verkefnamiðaðar vinnuaðferðir og upplifði ég sem kennari að slíkt drægi úr starfstengdri streitu, gerði kennslustundir ánægjulegri og krefðist minni undirbúningstíma. Hins vegar var ákveðin togstreita tengd því að koma slíku námi fyrir í hefðbundnu skólastarfi. Áhugavert væri að skoða frekar hvort kennsla, sem unnin er með verkefnamiðuðum hætti, gæti verið leið til að draga úr starfstengdri streitu kennara og hvernig megi breyta hefðbundnu skólaskipulagi til að slík vinna eigi auðveldar uppdráttar. Lykilorð: Sköpun, nýsköpunarmennt, hönnunarhugsun, grenndarnám, samþætting, sköpunargáfa I am an educator in a small primary school in southern Iceland. Before ...