Algengi kvíða- og þunglyndiseinkenna meðal knattspyrnufólks í efstu deild á Íslandi á tímum Covid-19

• Main Author: Guðrún Karítas Sigurðardóttir 1996-
• Other Authors: Háskóli Íslands
• Format: Thesis
• Language: Icelandic
• Published: 2021
• Subjects: Sálfræði; Kvenna; Iceland
• Online Access: http://hdl.handle.net/1946/38495

Markmið rannsóknarinnar var að kanna tíðni kvíða- og þunglyndiseinkenna á meðal knattspyrnufólks í efstu deild á Íslandi á tímum Covid-19. Niðurstöðurnar voru bornar saman við niðurstöður úr rannsókn frá árinu 2016 þar sem könnuð var tíðni kvíða- og þunglyndiseinkenna hjá knattspyrnufólki í efstu deild á Íslandi. Alls tóku 202 leikmenn á aldrinum 18 til 37 ára þátt í rannsókninni. Leyfi fyrir rannsókninni var fengið frá Vísindasiðanefnd og spurningalisti á rafrænu formi var lagður fyrir knattspyrnufólk í efstu deild karla og kvenna á Íslandi. Þátttakendur svöruðu Hospital Anxiety and Depression Scale tvisvar, annars vegar hvernig þeim leið á þeim tíma sem þeir svöruðu í mars 2021 og hins vegar þegar keppnistímabil 2020 var frestað vegna Covid-19. Niðurstöður rannsóknarinnar sýna að knattspyrnufólk á Íslandi upplifði meiri kvíða- og þunglyndiseinkenni eftir að keppnistímabili 2020 var frestað vegna Covid-19 en í mars 2021. Knattspyrnufólk upplifði einnig meiri kvíða- og þunglyndiseinkenni árið 2021 á tímum Covid-19 heldur en árið 2016 þegar Covid-19 var ekki. Konur mældust með tvöfalt meiri kvíða- og þunglyndiseinkenni á HADS en karlar.