Innlagnir kvenna á Landspítala eftir ofbeldi í nánum samböndum: Afturskyggn rannsókn á skráningu hjúkrunar

• Main Author: Eyrún Baldursdóttir 1993-
• Other Authors: Háskóli Íslands
• Format: Thesis
• Language: Icelandic
• Published: 2021
• Subjects: Hjúkrunarfræði; Kvenna; Maki; Iceland
• Online Access: http://hdl.handle.net/1946/38449

Bakgrunnur: Ofbeldi í nánum samböndum er stórt samfélagsmein sem getur haft alvarleg og langvarandi áhrif. Ofbeldið er kynbundið; kona er oftar þolandi og karl, núverandi eða fyrrum maki, er gerandi. Lítið er vitað um hjúkrunarþarfir, skráningu hjúkrunar og framkvæmda hjúkrun kvenna sem þarfnast innlagnar á spítala vegna líkamlegra áverka eftir ofbeldi í nánu sambandi. Tilgangur og markmið: Að skoða hjúkrunarþarfir kvenna sem þarfnast innlagnar á spítala eftir að hafa orðið fyrir heimilisofbeldi. Markmið rannsóknar var að fá aukna innsýn í hjúkrunarþarfir þolenda ofbeldis í nánum samböndum og hvernig megi bæta verklag og þjónustu við þennan sjúklingahóp. Aðferðir: Framkvæmd var megindleg, afturskyggn rannsókn á þeim konum sem lögðust inn á legudeildir Landspítala vegna áverka eftir ofbeldi í nánu sambandi á rannsóknartímabilinu 2005-2019. Fengin var aðgangur að hluta gagna sem aflað hafði verið fyrir rannsóknina „Komur kvenna á Landspítala með áverka eftir heimilisofbeldi á tímabilinu 2005-2019 og samanburður við komur kvenna með ákverka eftir slys eða ofbeldi annað en heimilisofbeldi“. Skoðaðar breytur voru aldur, búseta, þjóðerni, komuástæða, ICD-10 sjúkdómsgreiningar, innlagnardeild, kyn, fjöldi og tengsl við geranda, hjúkrunargreiningar, hjúkrunargreiningar þar sem minnst er á ofbeldið, skráð hjúkrun, skráð aðkoma annarra fagstétta og afdrif við útskrift með því að skoða hjúkrunargreiningar, framvindunótur og eyðublöð frá hjúkrunarfræðingum í sjúkraskrám. Niðurstöður: Á tímabilinu lögðust inn 49 konur. Meðalaldur var 36,5 ár. Allar voru þær búsettar á höfuðborgarsvæðinu. 8% kvennanna voru með erlent ríkisfang. Meðallegutími á Landspítala var 20 dagar. Algengast var að konurnar legðust inn á bæklunarskurðdeild (26%), geðdeild (22%) eða háls-, nef- og eyrnaskurðdeild (14%). Að meðaltali höfðu konurnar 2,5 ICD-10 sjúkdómsgreiningar, áverka- og geðgreiningar algengastar. Í 96% tilvika var gerandinn karl og í 71% tilvika núverandi maki. Alls voru 46 hjúkrunargreiningar notaðar við hjúkrunarmeðferð þessara kvenna, ...