Kosningaréttur barna: Á að lækka kosningaaldur niður í 16 ár?

• Main Author: Magnea Gná Jóhannsdóttir 1997-
• Other Authors: Háskóli Íslands
• Format: Thesis
• Language: Icelandic
• Published: 2021
• Subjects: Lögfræði; Iceland
• Online Access: http://hdl.handle.net/1946/37742

Með tilkomu Barnasáttmála Sameinuðu þjóðanna hefur aukin áhersla verið lögð á réttindi barna í heiminum, einkum rétt barna til þátttöku í víðtækum skilningi. Rétturinn til þess að hafa áhrif á eigið líf og á samfélagið er þar á meðal og endurspeglast í 12. gr. barnasáttmálans sem lögfestur var með lögum nr. 19/2013. Ein af grundvallarstoðum lýðræðis er rétturinn til þess að kjósa í lýðræðislegum kosningum, en það er réttur sem börn njóta að meginstefnu til ekki. Í ljósi þess hefur samfélagsumræða beinst að því hvort heimila ætti kosningarétt barna með það markmið að auka aðkomu barna að ákvarðanatöku. Síðustu áratugi hefur sú umræða farið stigvaxandi hérlendis og lögð hafa verið fram allnokkur frumvörp þess efnis á Alþingi án árangurs. Markmið þessarar ritgerðar er að skoða hvort lækka eigi kosningaaldur niður í 16 ár til þess að tryggja þátttöku barna í samfélaginu. Verður í því sambandi einkum fjallað um réttarumhverfi kosningaaldurs á Íslandi, sögulega þróun og frumvörp til breytinga á kosningaaldri, sjálfstæð réttindi barna. Þá verður fjallað um rök með og á móti lækkun kosningaaldurs sem höfð hafa verið uppi og alþjóðlega kosningalöggjöf.