Yfirráð kvenna yfir eigin líkama: Kynheilbrigði og kvenréttindi á Norður-Írlandi og á Íslandi

• Main Author: Andrea Gunnarsdóttir 1990-
• Other Authors: Háskóli Íslands
• Format: Bachelor Thesis
• Language: Icelandic
• Published: 2020
• Subjects: Stjórnmálafræði; Iceland
• Online Access: http://hdl.handle.net/1946/37595

Réttur kvenna til þess að ráða yfir líkama sínum og mannréttindi kvenna eru grunnurinn að réttinum til kynheilbrigðis. Rétturinn til kynheilbrigðis er réttur einstaklinga til þess að ákveða hvort þau vilji eignast börn, hversu mörg og hvenær þeir vilja eignast þau. Farið verður í gegnum hvernig þessi réttindi hafa þróast út frá femínískum kenningum, hvernig femínismi hafði áhrif á réttindabaráttu kvenna og baráttu kvenna fyrir löglegu og öruggu þungunarrofi og hvar þessi réttindi standa í dag út frá alþjóðlegum samningum og samþykktum. Einnig verður þungunarrofslöggjöf Norður-Írlands og Íslands reifuð í þeim tilagngi að varpa ljósi á kynheilbrigði og mannréttindi kvenna innan þessara ríkja. Ennfremur verða skoðaðar frásagnir norðurírska og íslenskra kvenna sem hafa sætt takmörkuðu aðgengi að þungunarrofi og þeim áhrifum sem það hefur á konur og lífsgæði þeirra þegar þær fá ekki að stjórna líkama sínum.