Ræktun Rhodothermus marinus á ýmsum kolefnisgjöfum

• Main Author: Védís Helgadóttir 1997-
• Other Authors: Háskóli Íslands
• Format: Thesis
• Language: Icelandic
• Published: 2021
• Subjects: Líffræði; Iceland
• Online Access: http://hdl.handle.net/1946/37552

Rhodothermus marinus er hitakær baktería sem fyrst var einangruð úr neðansjávarhver í Ísafjarðardjúpi en kjörhitastig bakteríunnar er 65°C. R. marinus hefur vakið athygli fyrir hitaþolin ensím sem hún framleiðir en slík ensím eru eftirsótt til notkunar í iðnaði af ýmsu tagi og í rannsóknum. Þar að auki framleiðir bakterían karótenóíð litarefni sem eru eftirsótt í iðnaði. Markmið þessa verkefnis var að kanna getu R. marinus til að vaxa á ýmsum kolefnisgjöfum, meðal annars sellulósa, xylósa og xylani. Xylósi er algeng einsykra í náttúrunni og sellulósi og xylan eru jafnframt algengar fjölliður. Samtals var prófað að rækta bakteríuna á 13 kolefnisgjöfum. R. marinus óx best á æti með xylani en óx lítillega á uppleysanlegum sellulósa (CMC). Enginn vöxtur kom fram á öðrum sellulósaætum. Að auki voru bakteríurnar Acidothermus cellulolyticus, Caldicellulosiruptor bescii og Thermobifida fusca ræktaðar og erfðaefni úr þeim einangrað en þessar bakteríur brjóta allar niður sellulósa. Í framhaldi af þessu verkefni væri hægt að rækta R. marinus á sífellt vaxandi xylósastyrk og athuga hvort bakterían gæti aðlagast að því að nýta xylósa sem kolefnisgjafa. Enn fremur mætti skeyta sellulasagenum úr A. cellulolyticus, C. bescii og T. fusca inn í erfðamengi R. marinus og gera henni þannig kleift að brjóta niður og vaxa á sellulósa. Þar með væri hægt að rækta bakteríuna á kolefnisgjöfum sem eru algengir í náttúrunni en það gæti stuðlað að áframhaldandi nýtingu bakteríunnar og afurða hennar í iðnaði og rannsóknum af ýmsu tagi. The thermophilic bacterium Rhodothermus marinus was originally isolated from a submarine hot spring in Ísafjarðardjúp bay in Iceland. The optimum temperature for growth of the bacterium is 65°C and R. marinus has caught researchers‘ interest because of its production of thermostable enzymes and carotenoids. Both thermostable enzymes and carotenoids are important in the industry. The objective of this project was to examine the ...