| Summary: | Í kjölfar þess að einstaklingar greindust með COVID-19 á Íslandi í mars 2020 var sett á samkomubann og fjöldatakmarkanir sem leiddi til þess að stjórnendur grunnskóla urðu að bregðast hratt við breyttum veruleika. Rannsókn þessi fjallar um sýn grunnskólakennara á grunnskólakennslu við þessar aðstæður á þessum tímum. Markmið rannsóknarinnar er að öðlast skilning og varpa ljósi á upplifun grunnskólakennara á grunnskólakennslu á tímum fjöldatakmarkana vegna COVID-19. Rannsókninni er ætlað að leita svara við eftirfarandi spurningum: Hvernig var grunnskólakennsla á tímum fjöldatakmarkana vegna COVID-19, frá sjónarhorni grunnskólakennara? Hvernig brugðust grunnskólakennarar við breyttum starfsaðstæðum vegna COVID-19? Hvernig var kennslu þeirra háttað? Hvernig sjá grunnskólakennarar framhaldið fyrir sér? Rannsóknin var byggð á eigindlegri aðferðafræði þar sem tekin voru hálf-opin viðtöl við þrettán grunnskólakennara í þremur grunnskólum. Viðtölin voru tekin í apríl 2020. Fræðilegur rammi byggist á menntastefnu og lög um grunnskóla á Íslandi, störf grunnskólakennara og rannsóknum um COVID-19. Helstu niðurstöður rannsóknarinnar eru að mismunur var almennt á milli grunnskóla landsins varðandi viðveru, fyrirkomulag náms og áherslur. Kennarar áttu almennt auðvelt að með aðlaga sig að nýjum kröfum í starfi og hafa vilja til að draga lærdóm af reynslu sinni sem þeir öðluðust á þessum tíma. Væntingar eru um að niðurstöður rannsóknarinnar leiði til frekari rannsókna um málefnið, ásamt því að grunnskólakennsla á tímum fjöldatakmarkana verði ígrunduð og tekið verði tillit til reynslu kennara og alls þess sem vel reyndist af því frumkvöðlastarfi sem unnið var og mætti taka með inn í framtíðina. Lykilorð: COVID-19, grunnskólakennarar (e. compulsory school teachers), grunnskóli á Íslandi (e. compulsory school in Iceland), skóli án aðgreiningar (e. inclusive school) og grunnskólakennsla (e. compulsory school teaching ). Following increasing diagnosis of COVID-19 in Iceland in March 2020, the government imposed a population ...
|
|---|