Hvað geta tómstunda- og félagsmálafræðingar gert fyrir stéttarfélög á Íslandi?

• Main Author: Bryngeir Arnar Bryngeirsson 1981-
• Other Authors: Háskóli Íslands
• Format: Thesis
• Language: Icelandic
• Published: 2020
• Subjects: Meistaraprófsritgerðir; Tómstunda- og félagsmálafræði; Starfsfólk; Stéttarfélög; Iceland
• Online Access: http://hdl.handle.net/1946/36683

Stéttarfélög á Íslandi gegna mikilvægu hlutverki í íslensku samfélagi. Yfirgnæfandi meirihluti vinnandi fólks á aðild að stéttarfélögunum. Verksvið stéttarfélaganna er því vítt og er starfsemi þeirra bæði yfirgripsmikil og fjölbreytt. Þetta gerir það að verkum að stéttarfélögin hafa þörf fyrir fjölbreytt og fjölhæft starfsfólk. Þó leggja þau ekki áherslu á að ráða tómstunda- og félagsmálafræðinga til starfa. Markmiðið með rannsókninni var að skoða starfsemi stéttarfélaganna og máta starfsemina við þá þekkingu og kunnáttu sem tómstunda- og félagsmálafræðingar eiga að búa yfir þegar þeir hafa lokið námi sínu. Skoðað var hvernig starfsmenn í ábyrgðarstöðum innan stéttarfélaganna og verkalýðsfélaganna líta á störf sinna verkalýðshreyfinga, hvaða augum þeir líti á sín eigin störf og hvort þeir sjái hlutverk fyrir tómstunda- og félagsmálafræðinga innan félaganna. Loks var reynt að teikna upp einhverja mynd af þeim hlutverkum sem tómstunda- og félagsmálafræðingar gætu sinnt innan stéttarfélaganna og verkalýðsfélaganna. Í rannsókninni voru tekin viðtöl við sjö einstaklinga sem starfa eða hafa starfað í ábyrgðarstöðum innan stéttarfélaga eða verkalýðshreyfinga á Íslandi. Upplýsinga var aflað með rúmlega klukkustundar löngum viðtölum við hvern og einn viðmælanda. Einnig var upplýsingum safnað úr skriflegum heimildum, gagnagrunnum og af heimasíðum verkalýðsfélaganna. Helstu niðurstöður eru þær að þekking og kunnátta tómstunda- og félagsmálafræðinga gæti nýst vel innan stéttarfélaganna á Íslandi. Starf stéttarfélaganna byggir á lýðræðislegum grundvelli, virkni félagsmanna, samskiptafærni og viðburðastjórnun og allir þessi þættir teljast til styrkleika tómstunda- og félagsmálafræðinga. Tómstunda- og félagsmálafræðingar uppfylla flest þau skilyrði sem gerð eru til starfsmanna og starfsemi stéttarfélaganna. Þeir gætu nýst við marga þætti starfseminnar og í raun er starf stéttarfélaganna merkilega líkt starfi frístundaheimilanna og félagsmiðstöðvanna þegar litið er til inntaks þess samkvæmt viðmælendum. Höfundur kemst að þeirri ...