Samband líkamsímyndar og matarvenja meðal íslenskra nemenda í 10. bekk

• Main Authors: Marta Kristín Sverrisdóttir 1993-, Matthías Tim Sigurðarson Rühl 1992-
• Other Authors: Háskólinn á Akureyri
• Format: Thesis
• Language: Icelandic
• Published: 2020
• Subjects: Sálfræði; Líkamsímynd; Matarmenning; Megrun; Líðan; Unglingar; Líkamsvöxtur; Akureyri; Gerðar
• Online Access: http://hdl.handle.net/1946/36218

Markmið þessarar rannsóknar var að skoða samband líkamsímyndar og matarvenja meðal íslenskra nemenda í 10. bekk. Kannaður var kynbundinn munur, tengsl líkamsímyndar og tíðni þess að borða kvöldmat með foreldri og tengsl líkamsímyndar og morgunmatarvenja. Auk þess var samband líkamsímyndar, líðan með líkamsvöxt og megrunar íslenskra ungmenna skoðað. Unnið var með gögn úr rannsókninni Heilsa og lífskjör skólanema frá árinu 2013 og 2014 og sá Rannsóknarsetur forvarna við Háskólann á Akureyri um gagnasöfnun. Þátttakendur voru 3618 nemendur í 10. bekk í grunnskólum Íslands árin 2013 og 2014. T-próf óháðra úrtaka sýndu mun á kynjunum á þann hátt að stelpur töldu sig að jafnaði oftar of feitar, borðuðu sjaldnar kvöldmat með foreldri, borðuðu sjaldnar morgunmat á virkum dögum, voru oftar í megrun og almennt óánægðari með líkamsvöxt sinn samanborið við stráka. Einhliða dreifigreining leiddi í ljós mun á ánægju með líkamsvöxt eftir líkamsímynd á þann hátt að með versnandi líkamsímynd jókst óánægja með líkamsvöxt. Einhliða dreifigreiningar sýndu einnig að þeir sem töldu sig of feita borðuðu sjaldnar kvöldmat með foreldri, morgunmat á virkum dögum og morgunmat um helgar en þeir sem töldu sig um það bil mátulega og þeir sem töldu sig of granna. Þeir sem töldu sig of granna borðuðu svo sjaldnar kvöldmat með foreldri, morgunmat á virkum dögum og morgunmat um helgar en þeir sem töldu sig um það bil mátulega. Einnig greindist munur á megrunarháttum eftir líkamsímynd; með versnandi líkamsímynd jókst tíðni megrunar. Fjölbreytudreifigreiningar voru gerðar til að skoða samböndin betur. Megináhrif líkamsímyndar greindust þegar kom að líðan með líkamsvöxt, kvöldmat með foreldri, morgunmat á virkum dögum, morgunmat um helgar og megrun. Megináhrif kyns greindust þegar kom að líðan með líkamsvöxt, morgunmat á virkum dögum og megrun. Samvirkni fannst milli líkamsímyndar og kyns þegar kom að líðan með líkamsvöxt og megrun. Stelpur voru alltaf óánægðari með líkamsvöxt sinn sama með hvaða hætti líkamsímynd þeirra birtist og þær voru einnig ...