Notkun samfélagsmiðla og notendaskapaðs efnis í ferðaþjónustu á Vestfjörðum

• Main Author: Andrea Gylfadóttir 1991-
• Other Authors: Háskólinn á Akureyri
• Format: Thesis
• Language: Icelandic
• Published: 2019
• Subjects: Viðskiptafræði; Samfélagsmiðlar; Markaðssetning; Neytendahegðun; Ferðaþjónusta; Notendaþjónusta; Varpa; Iceland
• Online Access: http://hdl.handle.net/1946/33790

Markmið rannsóknarinnar er að skoða notkun Markaðsstofu Vestfjarða og ferðaþjónustufyrirtækja á Vestfjörðum á samfélagsmiðlum og notendasköpuðu efni og hvernig verið er að nýta hvoru tveggja til markaðssetningar á Vestfjörðum sem áfangastaðar fyrir erlenda ferðamenn. Farið er ítarlega í rafrænt umtal og notendaskapað efni og hvernig það getur haft áhrif á ákvarðanatöku ferðamanna og hvernig fyrirtæki í ferðaþjónustu upplifa að neytendur séu að afla sér upplýsinga um Vestfirði sem áfangastað. Hversu vel upplýstir eru ferðamenn við komuna hingað og hafa umsagnir á vefsíðum fyrirtækja og annarsstaðar á netinu áhrif á val þeirra á viðkomu og gististöðum? Farið er yfir kaupferli neytenda og hvernig starfi markaðsstofu Vestfjarða er háttað á samfélagsmiðlum. Stiklað er á stóru um Instagram, ferðablogg, áhrifavalda, kostaða umfjöllun, upplifunarhagkerfið og markaðssetningu svæða. Rannsóknin byggist á eigindlegum rannsóknaraðferðum, tekin voru sex viðtöl við aðila í ferðaþjónustu og markaðssetningu á Vestfjörðum í mars 2019. Viðmælendur voru valdir með tilgangsúrtaki út frá reynslu þeirra af markaðsstörfum eða ferðaþjónstu á Vestfjörðum.Viðtölin voru hálfstöðluð og notast var við opnar spurningar. Viðtölunum var ætlað að varpa ljósi á hvernig verið er að nýta notendaskapað efni og samfélagsmiðla þegar kemur að markaðssetningu Vestfjarða sem áfangastaðar. Helstu niðurstöður leiddu í ljós að þegar kemur að markaðssetningu Vestfjarða sem áfangastaðar spilar notendaskapað efni ásamt samfélagsmiðlum stórt hlutverk. Fyrirtæki og Markaðsstofa Vestfjarða nýta sér hvoru tveggja til að gera Vestfirði sýnilegri ásamt því að styrkja stöðu sína gagnvart neytendum. Lykilorð: Markaðssetning, samfélagsmiðlar, notendaskapað efni, upplifunarhagkerfið, kaupferli neytendans, ferðaþjónusta. This thesis is is meant to discuss how user genereted content (UGC) and social media is being used in marketing the Westfjords of Iceland as a destination for tourists. How the marketing agency of Westfjords and travel companies in the area are using ...