Þátttökufjárhagsáætlunargerðir í sveitarfélögum á Íslandi

• Main Author: Tinna Garðarsdóttir 1987-
• Other Authors: Háskóli Íslands
• Format: Thesis
• Language: Icelandic
• Published: 2019
• Subjects: Stjórnsýsla; Þátttökulýðræði; Fjárhagsáætlanir; Sveitarfélög; Falla; Leiti; Iceland
• Online Access: http://hdl.handle.net/1946/32723

Meginviðfangsefni eftirfarandi rannsóknar eru þátttökufjárhagsáætlunargerðir í sveitarfélögum á Íslandi. Um er að ræða tiltölulega nýja aðferðarfræði þátttökulýðræðis sem notuð er víðsvegar í heiminum og veitir almenningi tækifæri til ráðstöfunar á opinberu fjármagni. Markmið rannsóknarinnar er að leggja mat á umfang þátttökufjárhagsáætlunargerða í sveitarfélögum á Íslandi sem og hvaða tegundir verið er að nota hérlendis og hvaða fyrirmyndir voru hafðar til hliðsjónar við innleiðingu aðferðarfræðinnar. Tekin voru sérfræðiviðtöl við sjö einstaklinga, sex starfsmenn þeirra sveitarfélaga sem eru með verkefni sem falla að skilgreiningu þátttökufjárhagsáætlunargerða sem notast er við í rannsókninni ásamt fulltrúa frá sjálfseignarstofnuninni Íbúum samráðslýðræði. Auk viðtalanna var aflað fræðilegra gagna við vinnslu á rannsókninni. Áhersla var lögð á að tengja niðurstöður viðtalanna við skilgreiningar á þátttökufjárhagsáætlunargerð sem og kenningar fræðimanna um þátttökulýðræði. Helstu niðurstöður rannsóknarinnar eru að sex sveitarfélög hér á landi eru með verkefni sem falla að þeirri skilgreiningu á hugtakinu þátttökufjárhagsáætlunargerð sem notast er við í rannsókninni. Verkefnin eru að miklu leiti sambærileg og falla öll að þeirri tegund þátttökufjárahagsáætlunargerða sem kallast Framkvæmdir í samfélaginu. Í umræddum sex sveitarfélögum gefst íbúum tækifæri til ráðstöfunar á afmörkuðu opinberu fjármagni í gegnum ákveðið kerfi þar sem einstaklingar geta komið með hugmyndir að framkvæmdum sem þeir vilja sjá í sínu nærumhverfi. Ekki var ein sérstök fyrirmynd höfð til hliðsjónar við innleiðingu aðferðarfræðinnar hérlendis. Sveitarfélögin hafa mest megnis litið til hvors annars við innleiðingu þátttökufjárhagsáætlunargerða en hafa að einhverju leyti notast við fyrirmyndir frá Brasilíu og Bandaríkjunum. The main object of this research is participatory budgeting in the municipalities in Iceland. Participatory budgeting is a relatively new methodology of participatory democracy which provides the public with an ...