"La mujer es una revolución dentro de la Revolución"

• Main Author: Ólöf Brynja Aradóttir 1992-
• Other Authors: Háskóli Íslands
• Format: Thesis
• Language: Spanish
• Published: 2019
• Subjects: Spænska; Kvenréttindamál; Saga; Samfélagsmál; Kúba; Gerðar; Konan; Kvenna; sami
• Online Access: http://hdl.handle.net/1946/32223

Kúba er eyja í Karíbahafi. Hún er þekkt fyrir sitt einstaka menningar- og efnahagslíf en þar hefur sami pólitíski flokkurinn verið við völd frá því að Fidel Castro og aðrir byltingarmenn gerðu byltingu árið 1959. Í þessu BA-verkefni verður stöðu kvenna í kúbversku þjóðfélagi gerð skil allt frá 19.öld og til dagsins í dag. Sjónum verður einkum beint að því hvort Byltingin 1959 hafi haft einhver afgerandi áhrif á stöðu konunnar í nýju samfélagi og hvort einhverjar byltingakenndar breytingar hafi átt sér stað hvað varðar réttindi hennar sem kona, móðir og útivinnandi húsmóðir. Ætlunin er einkum og sér í lagi að skoða hvort byltingin hafi haft áhrif til hins betra eða ekki þegar horft er til stöðu Kúbukvenna í dag, þ.e. á 21.öld. Ritgerðin skiptist í sex kafla og nokkra undirkafla. Allir kaflarnir hefjast á stuttri umfjöllun um sögu og samfélag á Kúbu á þeim tíma sem um ræðir og síðan er fjallað um konuna og stöðu hennar í kúbversku samfélagi. Fyrsti kafli er inngangur. Í öðrum kafla er fjallað um Kúbu á 19.öld og stiklað er á stóru um spænsk yfirráð á eyjunni, sjálfstæðisstríðin í lok aldarinnar og íhlutun Bandaríkjanna um aldamótin. Þá verður litið til stöðu kvenna í kúbversku þjóðfélagi á 19.öld, fjallað um þau réttindi sem konan hafði og þær breytingar sem urðu í kjölfar baráttu kvenna fyrir bættri stöðu í lok aldarinnar. Í þriðja kafla er litið til sögu Kúbu á fyrri hluta 20. aldar, þ.e. árin fyrir byltingu sem einkenndust af pólitískri spillingu og aðkomu og ítökum Bandaríkjanna á eyjunni. Síðan er staða kvenna á þessum árum skoðuð og kvennabarátta þeirra, sem hófst fyrir aldarmót gerð skil og farið verður yfir helstu ávinninga og réttindi kúbverskra kvenna á árunum 1900 til 1959. Í fjórða kafla er Byltingin 1959, saga hennar og staða kvenna á byltingartímum til umfjöllunar. Rætt er um þau umskipti sem áttu sér stað á þessum árum og þá sérstaklega hvernig kvennabaráttan og áherslur hennar breytast. Í fimmta kafla eru pólitískar breytingar á Kúbu eftir Byltinguna gerðar að umtalsefni og hvernig staða ...