,,Kannski er þetta frekar lítið verkefni en markmiðin eru háleit'' : mat á verkefninu Vistheimt með skólum, samvinnuverkefni Landverndar og nokkurra skóla

• Main Author: Guðrún Bára Sverrisdóttir 1987-
• Other Authors: Háskóli Íslands
• Format: Thesis
• Language: Icelandic
• Published: 2018
• Subjects: Meistaraprófsritgerðir; Kennslufræði grunnskóla; Umhverfisvernd; Vistfræði; Iceland
• Online Access: http://hdl.handle.net/1946/31933

Verkefnið Vistheimt með skólum er samvinnuverkefni Landverndar, Landgræðslu ríkisins og nokkurra grænfánaskóla. Opinber markmið verkefnisins eru að auka þekkingu og skilning nemenda, kennara og nærsamfélags skólanna á landeyðingu, loftslagsbreytingum og líffræðilegum fjölbreytileika og einnig á því hversu mikilvæg vistheimt er sem tæki til að takast á við vandamál sem tengjast þessum þáttum. Önnur markmið eru að gefa nemendum kost á að taka þátt í tilraunum og aðgerðum með beinum hætti og síðast en ekki síst að endurheimta örfoka land á Suðurlandi (Hvolsskóli, 2015 og Landvernd, e.d.-b). Ritgerð og rannsókn þessi snýst um að kanna árangur verkefnisins og sjá hvort markmiðum sem ætlað var að ná með verkefninu hafi verið mætt. Tekin voru viðtöl við þrjá kennara og þrjá nemendur frá tveimur af þátttökuskólum verkefnisins sem staðsettir eru á Suðurlandi og ennfremur var tekið viðtal við Rannveigu Magnúsdóttur sem er verkefnastjóri verkefnisins hjá Landvernd. Auk þess var spurningalisti lagður fyrir 28 nemendur í 8. bekk úr tveimur þátttökuskólum þar sem könnuð var þekking nemenda á hinum ýmsu umhverfismálum og hvort nemendur telji áhrif þessara umhverfismála mikil eða lítil nú á tímum. Þá var einnig kannað hvort nemendur telji að vandamál sem tengjast þeim umhverfismálum sem spurt var um muni fækka eða fjölga á næstu 20 árum og ennfremur voru spurningar sem snúa að almennum áhuga þeirra á náttúruvísindum og hversu vel þeir þekkja markmið verkefnisins Vistheimtar með skólum. Við gerð spurningalistans var byggt á spurningum úr öðrum rannsóknum sem aðalagaðar voru að þessari rannsókn. Niðurstöður úr matinu eru þær að þekking og áhugi nemenda hefur aukist á landeyðingu, loftslagsbreytingum og líffræðilegum fjölbreytileika en skilningur á þessum þáttum mætti vera betri. Kennarar og starfsmenn þeirra tveggja skóla sem tóku þátt í þessari rannsókn hafa aukið þekkingu sína og skilning gagnvart landeyðingu, loftslagsbreytingum og líffræðilegum fjölbreytileika en ekki er talið að verkefnið hafi haft áhrif á aðra starfsmenn ...