„Maður hélt í hjarta sínu að það væri mikil þörf . það er held ég meiri þörf“ : foreldrafræðsla á Íslandi : hugmyndir nemenda á námsleiðinni foreldrafræðsla og uppeldisráðgjöf

• Main Author: Sóley Kjerúlf Svansdóttir 1989-
• Other Authors: Háskóli Íslands
• Format: Thesis
• Language: Icelandic
• Published: 2018
• Subjects: Meistaraprófsritgerðir; Foreldrafræðsla og uppeldisráðgjöf; Eigindlegar rannsóknir; Foreldrafræðsla; Mati; Maður; Hjarta; Iceland
• Online Access: http://hdl.handle.net/1946/31685

Einstaklingar þroskast og öðlast aukna færni í ýmsum hlutverkum á lífsleiðinni og er foreldrahlutverkið þar engin undantekning. Með foreldrafræðslu er markmiðið að aðstoða, styðja við og leiðbeina foreldrum til að auka færni sína í foreldrahlutverkinu. Nýlega var stofnuð námsleið í foreldrafræðslu við Menntavísindasvið Háskóla Íslands. Með tilkomu hennar er ný starfsstétt foreldrafræðara og uppeldisráðgjafa að stíga sín fyrstu skref á Íslandi. Tilgangur rannsóknarinnar er að skoða hugmyndir nemenda á námsleiðinni um foreldrafræðslu Early Childhood Family Education (ECFE) í Minnesota. Þátttakendur í rannsókninni voru sjö nemendur sem fóru til Minnesota í maí 2017 og kynntu sér starf ECFE. Eigindleg rannsóknaraðferð var notuð og byggir á daglegum dagbókarfærslum þátttakenda ásamt þremur rýnihópaviðtölum sem tekin voru í ferðinni. Í rannsókninni var leitast við að svara eftirfarandi rannsóknarspurningu: Hvernig sjá nemendur á námsleiðinni foreldrafræðsla og uppeldisráðgjöf fyrir sér foreldrafræðslu og hlutverk foreldrafræðara út frá reynslu sinni af EFCE og hvernig telja þeir að megi útfæra hana á Íslandi? Niðurstöður rannsóknarinnar benda til þess að ECFE sé góð fyrirmynd til að byggja á. Við þróun foreldrafræðslu á Íslandi telja þátttakendur mikilvægt að fara hægt en örugglega af stað, leggja áherslu á lögverndun starfsheitisins og stofnun félags foreldrafræðara. Þátttakendur sjá fyrir sér marga möguleika fyrir foreldrafræðslu á Íslandi í samstarfi við ríki, sveitarfélög og ýmsar stofnanir. Að mati þátttakenda er viðhorf samfélagsins helsta áskorunin sem ný starfsstétt stendur frammi fyrir. Er þátttakendur fjalla um hlutverk foreldrafræðarans nefna þeir að hann sé fundarstjóri sem leiðir umræður foreldra, hvetur þá til þátttöku og styður við þá. Þeir telja að foreldrafræðsla sé nám foreldra og sé fyrir alla foreldra, þar sem virk þátttaka í foreldrafræðslu þroski foreldra í hlutverki sínu og auki færni þeirra. Niðurstöður rannsóknarinnar ættu að hafa gildi við stefnumótun foreldrafræðslu á Íslandi, styðja við ...