| Summary: | Markmiðið með þessari rannsókn er að varpa ljósi á þá þætti sem hafa áhrif á kulnun íslenskra kennara og brotthvarf þeirra úr kennslu, hvaða bjargir þeir hafa og hvernig þáttur skólastjórnenda og yfirvalda birtist þeim. Skortur á grunnskólakennurum er yfirvofandi á Íslandi og nýliðun er lítil í stéttinni. Rannsóknarspurningin er: Hvaða þættir eru það sem kennarar telja að einkum hafi áhrif á kulnun og brotthvarf úr starfi? Undirspurningarnar þrjár fjalla um áhrif starfsumhverfis, samskipta og þátt stjórnenda og yfirvalda á líðan kennara, og hvaða bjargir eru tiltækar. Rannsóknin var eigindleg tilfellarannsókn og notað var tilgangsúrtak sem féll vel að markmiðum rannsóknarspurningarinnar. Tekið var viðtal í janúar 2018 við tvo rýnihópa, fjóra grunnskólakennara af landsbyggðinni og þrjá af höfuðborgar¬svæðinu. Niðurstöður rannsóknarinnar benda til þess að álag á kennara sé mikið. Viðmælendur segjast upplifa mikla þreytu í starfi og bjargir séu fáar. Tíminn sé of skipulagður og rúmi ekki öll þau verkefni sem þeim sé ætlað að sinna. Stjórnun skóla sé veik og skólastjórnendur fylgi málum ekki eftir. Aukinheldur kemur í ljós að hin mikla tíma-og verkefnastjórnun yfirvalda stendur í veginum fyrir þeim bjargráðum sem í boði eru. Kennarar virðast fastir í sektarkenndargildrum og til að losna þaðan þurfa þeir rými til faglegs samstarfs þar sem þeir efla fagmennsku sína og marka sér siðferðileg og tilfinningaleg gildi til að takast á við þær áskorarnir sem mæta þeim í starfi. Rannsóknirnar sem hér er fjallað um sýna að slíkt leiðir til jákvæðrar þróunar skólastarfs og aukins árangurs nemenda. Þessi ritgerð er ný viðbót við eldri rannsóknir sem gerðar hafa verið hér á landi um svipað efni og staðfestir að flestu leyti þær niðurstöður. Hér eru að auki kynntar bjargir sem kennurum standa til boða, leiðir til úrbóta sem hvaða skóli sem er getur nýtt sér The aim of this thesis is to illuminate the issues that have caused burn-out and made teachers in Iceland leave their positions. In order to understand the underlying causes, ...
|
|---|