Úthlutun Nýja testamentisins í grunnskólum : æskilegt eða óæskilegt?

• Main Author: Árni Hilmarsson
• Other Authors: Háskólinn á Akureyri
• Format: Thesis
• Language: Icelandic
• Published: 2009
• Subjects: Grunnskólar; Kristinfræði; Fjölmenning; Nýja testamentið; Akureyri
• Online Access: http://hdl.handle.net/1946/3152

Tilgangur þessarar rannsóknar var að kanna viðhorf skólastjóra og kennara til dreifingar Nýja testamentisins í grunnskólum á Íslandi og hve æskilegt það sé m.a. í ljósi breyttra þjóðfélagslegra aðstæðna á síðustu árum og misserum. Einnig var kannað hvort viðhorf hefði breyst með tilliti til vaxandi fjölmenningar hér á landi og hvort það þætti við hæfi að gefa Nýja testamentið þeim nemendum sem hafa annan trúarlegan bakgrunn heldur en kristinn. Rannsóknaraðferðin var megindleg (quantitative descriptive research) þar sem notaður var spurningalisti við öflun upplýsinga. Þátttakendur í rannsókninni voru 39 skólastjórar og kennarar 5. bekkjar í níu grunnskólum á Akureyri og nágrenni. Niðurstöður sýna jákvætt viðhorf þátttakenda til dreifingar Nýja testamentisins í grunnskólum. Um 82% voru fylgjandi því að Gídeonfélagið fái að koma í grunnskóla og gefa nemendum Nýja testamentið. Einnig kom í ljós að viðhorf 85% svarenda höfðu ekki breyst til þessarar úthlutunar á s.l. 10-15 árum og 75% telja rétt að afhenda Nýja testamentið í bekkjum þar sem nemendur hafa misjafnan trúarlegan bakgrunn. Hins vegar lesa 72% sjaldan eða aldrei í Nýja testamentinu. Skoðanir voru ekki eins afgerandi varðandi það hvort leyfa ætti öðrum trúfélögum að dreifa sínum höfuðritum eða hvort endurskoða ætti dreifingu Nýja testamentisins.