Summary: | Verkefnið er lokað til 01.06.2038. Fjölbreytni í kennsluháttum er þáttur sem mælst er til að allir skólar á Íslandi taki mið af við skipulagningu náms og kennslu. Til að koma til móts við fjölbreyttan hóp nemenda hafa margir kennarar gripið til óhefðbundinna kennsluhátta. Námsspil eru ein þeirra aðferða sem hægt er að nýta sér í þeim tilgangi. Skortur er á námsspilum sem henta til kennslu nemenda á framhaldsskólastigi og hafa engin slík spil verið hönnuð fyrir sálfræðinemendur, hvorki á Íslandi né erlendis. Markmið verkefnisins var hönnun frumútgáfu (e. prototype) námsspils fyrir sálfræðinema á framhaldsskólastigi og prófun á frumútgáfu spilsins með frekari þróun spilsins í huga. Unnið var að hönnun námsspils úr námsefni sem kennt er í inngangsáfanga að sálfræði á framhaldsskólastigi. Hönnun spilsins er lýst, allt frá hugmyndavinnu, myndvinnslu og prentun frumútgáfu, til prófunarferlisins sem er einnig mikilvægur þáttur í hönnunarferlinu. Prófun frumútgáfu var gerð með fjórum mismunandi prófunarhópum. Í einum hópnum voru sérfræðingar sem lokið höfðu háskólanámi í sálfræði. Í hinum þremur hópunum voru nemendur í framhaldsskóla, þar af voru í einum nemendur í inngangsáfanga að sálfræði. Allir hóparnir voru fengnir til að spila spilið. Aðferðum hugarferlaviðtala (e. cognitive interviewing), hugsað upphátt (e. think-aloud) og spurnaraðferðinni (e. probing) var beitt til að fylgjast með því hvernig þátttakendum gekk að skilja þær spurningar sem settar voru fram í spilinu og fyrirmæli spilsins. Að prófunum loknum voru skoðuð þau vandamál sem komu upp við spilun og lagt mat á hvort þau væru þess eðlis að breyta þyrfti spilinu fyrir lokahönnun spilsins. Primary and secondary schools in Iceland are expected to incorporate varied teaching methods in their curricula. Many teachers have resorted to unconventional teaching methods to cater to diverse group of students. Using educational board games is a useful method for that purpose. Currently, there is a noticeable lack of educational board games suitable for students ...
|