Þórarinn Guðmundsson : íslenskur fiðluleikari á fyrri hluta 20. aldar

• Main Author: Elísa Elíasdóttir 1993-
• Other Authors: Listaháskóli Íslands
• Format: Thesis
• Language: Icelandic
• Published: 2017
• Subjects: Hljóðfæri Söngur; Þórarinn Guðmundsson 1896-1979; Tónlistarmenn; Fiðluleikarar; Tónskáld; Hljóðfæraleikarar; Ævisögur; Reykjavík
• Online Access: http://hdl.handle.net/1946/31020

Þórarinn Guðmundsson var stjarna í íslensku tónlistarlífi á fyrrihluta 20. aldar og jafnframt fyrsti Íslendingurinn til að ljúka háskólaprófi í fiðluleik. Hann var brautryðjandi í íslensku tónlistarlífi og starfaði á fjölmörgum sviðum tónlistar. Þórarinn spilaði bæði einleiks- og kammerverk á tónleikum og skemmtunum í Reykjavík. Auk þess starfaði hann sem fiðlukennari, fiðluleikari hjá Nýja bíói og var tónlistarmaður hjá Ríkisútvarpinu. Á sviði hljómsveitarleiks var hann einnig frumkvöðull. Ásamt því að stofna og stjórna Hljómsveit Reykjavíkur stjórnaði hann barnahljómsveit, lék í Symfóníuhljómsveit FÍH og var fiðluleikari í Sinfóníuhljómsveit Íslands frá stofnun hennar. Þórarinn Guðmundsson var stofnmeðlimur og fyrsti formaður Félags íslenskra tónlistarmanna árið 1940, heiðursfélagi í FÍH og Tónskáldafélagi Íslands. Árið 1970 var Þórarinn sæmdur riddarakrossi hinnar íslensku fálkaorðu fyrir framlag sitt til íslensks tónlistarlífs.