Summary: | Í þessari rannsókn var framkvæmdur samanburður á milli þriggja hópa íslenskra knattspyrnukvenna. Þátttakendur rannsóknarinnar voru 110 leikmenn á aldrinum 18-34 ára í tveimur efstu deildum íslenskrar kvennaknattspyrnu; Pepsi deild kvenna og 1. deild kvenna. Var þeim skipt í tvo hópa eftir því í hvaða deild þeir spiluðu sumarið 2017. Þriðji hópurinn innihélt 32 leikmenn sem spiluðu með A landsliði Íslands 2017 en gögn um þennan hóp voru fengin frá Háskólanum í Reykjavík. Markmið rannsóknarinnar var að bera saman sálfræðilega færni, andlegan styrk og íþróttatengdan kvíða hópanna og athuga hvort þessir hugrænu þættir gætu haft áhrif á árangur. Notast var við sjálfsmatskvarðana TOPS (Test of Performance Strategies) til að mæla sálfræðilega færni, SMTQ (Sports Mental Toughness Questionnaire) til að mæla andlegan styrk og SAS-2 (Sport Anxiety Scale-2) til að mæla frammistöðukvíða í íþróttum. Gert var ráð fyrir að þeir leikmenn sem spila á hærra stigi fengju betri útkomur á þessum kvörðum en þeir sem spila á lægri stigum. Helstu niðurstöður leiddu í ljós að A landslið kvenna var ekki með marktækt betri sálfræðilega færni heldur en leikmenn í Pepsi deild kvenna en voru með marktækt meiri andlegan styrk og upplifðu marktækt minni frammistöðukvíða. A landslið kvenna var með marktækt betri sálfræðilega færni og andlegan styrk heldur en leikmenn sem spiluðu í 1.deild kvenna ásamt því að upplifa minni frammistöðukvíða. Leikmenn sem spila í Pepsi deild kvenna voru ekki með marktækt betri sálfræðilega færni heldur en leikmenn í 1. deild kvenna en voru með marktækt meiri andlegan styrk og upplifðu marktækt minni frammistöðukvíða. Almennt fengu leikmenn betri útkomur úr kvörðunum eftir því sem þeir spiluðu á hærra stigi. Lykilorð: sálfræðileg færni, andlegur styrkur, frammistöðukvíði í íþróttum. The present study examined the difference between three groups of Icelandic women soccer players. The participants were 110 players between the age of 18-34 who played in one of the two highest divisions in Iceland; Pepsi deild kvenna ...
|