Gengið til framtíðar: Rannsókn á aðgangsstýringu Laugavegarins

• Main Authors: Ísak Ólafsson 1994-, Hrólfur Vilhjálmsson 1993-
• Other Authors: Háskóli Íslands
• Format: Thesis
• Language: Icelandic
• Published: 2018
• Subjects: Ferðamálafræði; Ferðamenn; Umhverfisvernd; Umhverfisáhrif; Laugavegur (gönguleið); Haldi; Kring; Mikla; Velta; Iceland
• Online Access: http://hdl.handle.net/1946/29513

Auknar vinsældir Íslands sem áfangastaðar má samkvæmt mörgum rannsóknum rekja beint til áhuga ferðamanna á sérstæðri náttúru og ósnortnum víðernum landsins. Í kjölfarið hefur byggst upp stór atvinnugrein umhverfis þessa náttúrulegu yfirburði Íslands á heimsvísu. Þessi mikla fjölgun ferðamanna hefur haft í för með sér stórfelldar breytingar á tiltölulega stuttum tíma sem veldur því að afskekktir náttúrulegir staðir ráða í mörgum tilfellum ekki við hina skyndilegu fjölgun. Einn slíkur ferðamannastaður, gönguleiðin Laugavegurinn að Fjallabaki, hefur notið sífellt meiri vinsælda bæði á meðal innlendra og erlendra ferðamanna og nýlegar úttektir á umhverfi svæðisins benda til þess að haldi sama þróun áfram gæti svæðið umhverfis gönguleiðina borið varanlegan skaða af. Það er því vert að velta upp þeirri spurningu hvort aðgangsstýrandi aðgerðir af einhverju tagi gætu spornað við þeirri þróun og stuðlað að sjálfbærri uppbyggingu svæðisins til framtíðar. Með viðtölum við umsjónar- og stefnumótunaraðila gönguleiðarinnar og svæðisins í kring var lagt upp með að kanna hvort forsendur þeirra samræmdust hugmyndafræði aðgangsstýringar, og hvort slíkar aðgerðir gætu átt þátt í að vinna bug á þeim vandamálum sem myndast hafa vegna fjöldans. Niðurstöður rannsóknarinnar sýndu að margar af forsendum umsjónar- og stefnumótunaraðila samræmist hugmyndafræði aðgangsstýringar, en til að hægt verði að innleiða slíkar aðgerðir verði fyrst að leggjast í aðgerðir á borð við þolmarkarannsóknir og nánari talningar á ferðamönnum. Following the increased popularity of Iceland as a location for nature based tourism, multiple researches have pointed to the fact that the increasing interest may stem from the unique and untouched wilderness areas of the country. Over a short period of time, a large tourism sector has developed around these factors and the number of foreign tourists has increased dramatically over this period. This increase has led to areas with underdeveloped infrastructure not being able to cope with the sudden change. One such ...