Er íslensk myndlist áhugaverður fjárfestingakostur?

• Main Author: Jóhann Ágúst Hansen 1969-
• Other Authors: Háskólinn á Bifröst
• Format: Thesis
• Language: Icelandic
• Published: 2009
• Subjects: Viðskiptafræði; Arðsemisgreining; Fjárfestingar; Myndlist; Ísland; Listaverk; Reykjavík
• Online Access: http://hdl.handle.net/1946/2934

Tilgangur þessarar rannsóknar er að athuga hvort íslensk myndlist sé áhugaverður fjárfestingakostur. Ýmis gögn hafa bent til þess að fjárfesting í myndlist sé valkostur fyrir fjárfesta þar sem hagnaðarvon geti bæst við fagurfræðilegan ávinning. Beitt er fræðilegri söguskoðun þegar íslenskur listaverkamarkaður er borinn saman við erlenda listaverkamarkaði auk þess að þróun þessara markaða er skoðaður í ljósi sögu kauphalla og markaða með verðbréf. Til þess að fá heildarmynd af íslenska listaverkamarkaðinum eru þeir aðilar er þar starfa rannsakaðir. Áhætta þeirra er höndla með listaverk er kortlögð út frá kenningum Paul DiMaggio sem hann setti fram í „Market structure, the creative process, and popular culture“ 1977 auk þess sem könnun um nám, laun og sölutekjur var lögð fyrir rúmlega 800 starfandi myndlistarmenn. Þá er samkeppni á listaverkamarkaði skilgreind út frá kenningum Raymond Moulin. Stuðst er við erlendar rannsóknir og greinasöfnin „Handbook of the Economics of Art and Culture“ ritstýrt af Victor A. Ginsburgh og David Throsby og „A Handbook of Cultural Economcs“ í ritstjórn Ruth Towse. Ávöxtun og ávöxtunarkrafa á íslenska myndlistarmarkaðnum er sett fram og borin saman við ávöxtun erlendra listaverkamarkaða. Ávöxtunarkrafan er reiknuð út samkvæmt CAPM líkaninu auk þess sem stuðst er við Íslensku listaverkavísitöluna. Ávöxtunarkrafa íslenska listaverkamarkaðarins er 10,85%. Listaverkasöfn fjögurra íslenskra listaverkasafnara voru rannsökuð og skrásett. Reiknuð var út ársávöxtun hvers listaverks fyrir sig út frá verðmati sem gert var af uppboðshúsi í Reykjavík. Meðal ársávöxtun safnanna er frá 4,93% til 16,37% ef miðað er við lágt verðmat þeirra en söluþóknun umfram verðbréfamarkaðinn gæti sett strik í heildarávöxtunina. Höfundar telur að íslensk myndlist sem verslað er með á Íslandi er áhugaverður fjárfestingakostur en taka verður fram að einungis er um fræðilegan ávinning að ræða en ekki raunverulegan reiknaðan út frá seldum listaverkum. Helstu ávinningur þeirra er fjárfesta í myndlist mun ávallt vera ...