„Það er gaman að fá að vera fluga á vegg“ : upplýsingamiðlun í gegnum samfélagsmiðilinn Facebook í grunnskóla.

• Main Author: Tara Brynjarsdóttir 1991-
• Other Authors: Háskóli Íslands
• Format: Thesis
• Language: Icelandic
• Published: 2017
• Subjects: Grunnskólakennarafræði; Meistaraprófsritgerðir; Samfélagsmiðlar; Upplýsingamiðlun; Samstarf heimila og skóla; Eigindlegar rannsóknir; Grunnskólar; Reykjavík; Halda
• Online Access: http://hdl.handle.net/1946/29210

Viðfangsefni þessarar rannsóknar var að skoða möguleika samfélagsmiðilsins Facebook til þess að auka upplýsingaflæði milli heimilis og skóla í þeirri von að efla samskiptin þar á milli. Settar voru myndir og myndskeið með lýsandi texta um hvað mætti sjá á myndum eða myndskeiðum, inn á lokaðan Facebook-hóp þriðja bekkjar. Rannsóknin snéri einnig að því að auka innsýn foreldra inn í kennslustundir nemenda. Rannsóknin fór fram skólaárið 2016 -2017 í grunnskóla í Reykjavík. Rannsóknin er eigindleg tilviksrannsókn og byggist á viðtali, spurningalista og gögnum úr Facebook-hóp árgangsins. Tekið var eitt viðtal við kennara og stuðningsfulltrúa bekkjarins, spurningalisti var sendur til foreldra árgangins og unnið var úr gögnum sem söfnuðust á Facebook. Niðurstöður benda til þess að almenn ánægja sé með aukið upplýsingaflæði í gegnum samfélagsmiðilinn Facebook á meðal foreldra og starfsfólks, en með auknu upplýsingaflæði frá kennurum jókst innsýn foreldra í skólastarfið. Í ljósi þess sögðust foreldrar eiga fleiri og innihaldsríkari samræður við börn sín um skólann og nám þeirra. Einnig töldu foreldrar að með myndum, myndskeiðum og upplýsingum sem settar voru inn á Facebook-hópinn hafi tiltrú aukist á skólastarfinu. Kennarar upplifðu að foreldrar voru meira með á nótunum um hvað væri að gerast inni í skólastofunni eftir að þeir byrjuðu að vera virkir á Facebook. Tölvupóstar og hin almennu samskipti við foreldra breyttust lítillega af hálfu kennara, en foreldrar upplifðu að samskiptin urðu betri og þægilegri. Bæði foreldrar og kennarar voru sammála um að Facebook væri vettvangur fyrir jákvæðni og almennar upplýsingar og að persónuleg málefni ættu heima í tölvupóstum eða símtölum. Kennarar vildu ekki nota sinn persónulega aðgang á Facebook og bjuggu því til sameiginlegan aðgang sem allir starfsmenn notuðu. Með honum settu kennarar og starfsmenn inn myndir, myndskeið og upplýsingar um skólastarfið. Foreldrar og kennarar vildu halda áfram að nota Facebook-hópana sem tæki til upplýsingamiðlunar. The aim of this study was to ...