Tómstundaiðja fatlaðra barna : samanburðarrannsókn

• Main Author: Guðrún Soffía Viðarsdóttir 1983-
• Other Authors: Háskólinn á Akureyri
• Format: Thesis
• Language: Icelandic
• Published: 2017
• Subjects: Heilbrigðisvísindi; Meistaraprófsritgerðir; Börn; Fatlaðir; Tómstundaiðja; Samanburðarrannsóknir; Akureyri
• Online Access: http://hdl.handle.net/1946/28243

Verkefnið er lokað til 18.4.2018. Þátttaka í tómstundaiðju er mikilvæg fyrir almennan þroska barna. Fötluð börn fá yfirleitt ekki sömu tækifæri og jafnaldrar þeirra til að stunda tómstundaiðju. Þátttaka þeirra í tómstundaiðju er minni og fábreyttari en annarra barna og oftar en ekki rekast þau á ýmis konar hindranir sem geta dregið úr þátttöku. Rannsóknin er sú fyrsta sinnar tegundar á Íslandi en tilgangur hennar var að afla þekkingar á þátttöku fatlaðra grunnskólabarna í tómstundaiðju og skoða hvort munur var á þátttöku þeirra og jafnaldra þeirra. Jafnframt var tilgangurinn að kanna möguleika fatlaðra barna til að stunda tómstundaiðju og viðhorf foreldra þeirra til tómstundaiðjunnar sem börnunum bauðst eða sem þau tóku þátt í. Rannsóknin var lýsandi samanburðarrannsókn með þversniði. Þátttakendur voru annars vegar öll fötluð börn (n=96) sem fengu þjónustu frá Fjölskyldusviði Akureyrarbæjar og hins vegar einfalt slembiúrtak úr hópi jafnaldra þeirra á Akureyri (n=210). Gögnum var safnað með spurningalista. Niðurstöður rannsóknarinnar sýndu að fötluðu börnin tóku mun minni þátt í tómstundaiðju en jafnaldrar þeirra og tómstundaiðja þeirra var einnig töluvert fábreyttari. Auk þess að taka sjaldnar þátt var virkni fötluðu barnanna minni og þátttakan veitti þeim síður ánægju. Þá stunduðu fötluðu börnin síður tómstundaiðju sína með vinum en frekar með fjölskyldu sinni. Það sem hindraði fötluðu börnin mest var skortur á aðstoð. Flestum foreldrum fötluðu barnanna fannst þátttaka í tómstundaiðju mikilvæg fyrir barnið en að lítið framboð væri á tómstundaiðju sem hæfði barni þeirra. Niðurstöðurnar má nýta til að byggja upp frekari tómstundatilboð sem henta fyrir fötluð börn og bæta þá þjónustu sem nú þegar er til staðar. Huga þarf að réttindum og þörfum fatlaðra barna og gera ráðstafanir til að ýta undir þátttöku þeirra í tómstundaiðju. Einnig er mikilvægt að greina hindranir í umhverfinu sem unnt er að fjarlægja. Participation in leisure activities is important for the development of disabled children. Disabled ...