Viðhorf Íslendinga til auglýsinga á Snapchat og áhrif þeirra á kauphegðun

• Main Authors: Anna Sesselja Marteinsdóttir 1993-, Helga Siemsen Guðmundsdóttir 1994-
• Other Authors: Háskólinn í Reykjavík
• Format: Bachelor Thesis
• Language: Icelandic
• Published: 2017
• Subjects: Viðskiptafræði; Auglýsingar; Kauphegðun; Samfélagsmiðlar; Iceland
• Online Access: http://hdl.handle.net/1946/28171

Markmið rannsóknar var að kanna viðhorf Íslendinga á auglýsingum á Snapchat og áhrif þeirra á kauphegðun. Notkun Íslendinga á samfélagsmiðlum hefur aukist mikið í gegnum árin og hefur færst í aukana að fyrirtæki nýti sér vinsæla Íslendinga á samfélagsmiðlum, líkt og Snapchat til að koma vöru sinni eða þjónustu á framfæri. Við skrif ritgerðar voru framkvæmdar tvær rannsóknir. Í fyrri rannsókn var viðhorfskönnun lögð fyrir sem var send út á rafrænu formi á samélagsmiðlinum Facebook ásamt því að farið var í grunn- og framhaldsskóla með könnunina á prenti. Alls fengust 500 svör við viðhorfskönnuninni og var markmiðið að kanna viðhorf Íslendinga á auglýsingum á Snapchat. Seinni rannsóknin var gerð í samstarfi við Áttuna, sem er samfélagasmiðlamerki, og Nýherja, sem er eitt stærsta upplýsingatæknifélag Íslands. Rannsóknin var framkvæmd á þann veg að valin var ein vara frá Nýherja sem var auglýst á Snapchat á aðgangi Áttunnar með tilliti til þess að kanna áhrif hennar á sölu vörunnar. Markmið með seinni rannsókn var að kanna hvort auglýsingar á Snapchat hafi jákvæð áhrif á kauphegðun Íslendinga. Einnig var athugað hversu virkir Íslendingar væru á samfélagsmiðlinum Snapchat, hvort algengt sé að duldar auglýsingar séu á þeim miðli og hvort þau hafi almennt keypt vöru eða þjónustu eftir að hafa séð hana auglýsta á Snapchat. Höfundar tóku fjögur djúpviðtöl við skrif ritgerðar, við markaðsstjóra Nýherja, Sævar Ólafsson, Nökkva Fjalar Orrason, framkvæmda-, sölu- og markaðsstjóra Áttunnar, Camillu Rut, þjónustustjóra Iceland 4x4 car rental og Sonju Rut Valdin, starfsmann Áttunnar. Helstu niðurstöður rannsóknarinnar leiddu í ljós að viðhorf Íslendinga til auglýsinga á Snapchat eru almennt jákvæð, ef tekið er fram að um auglýsingu sé að ræða og að áhrif þeirra hafi jákvæð áhrif á kauphegðun. Lykilorð: Auglýsingar, umtal, áhrifavaldar, Snapchat, kauphegðun, viðhorf, vöruinnsetning, duldar auglýsingar, kauphegðun neytenda, samfélagsmiðlar, stafræn markaðssetning, neytendahegðun, einkenni kaupenda og söluráðar.