Hringbraut : Fortíð - Nútíð - Framtíð

• Main Author: Sandra Dögg Þorsteinsdóttir 1987-
• Other Authors: Listaháskóli Íslands
• Format: Thesis
• Language: Icelandic
• Published: 2017
• Subjects: Arkitektúr; Hringbraut (Reykjavík); Borgarskipulag; Reykjavík; Svæði
• Online Access: http://hdl.handle.net/1946/28036

Í ritgerð þessari er fjallað um afmarkaðan hluta Hringbrautar í Reykjavík í þeim tilgangi að svara eftirfarandi rannsóknarspurningu. Hvað varð til þess að Hringbrautin er eins og hún er í dag og eru leiðir færar til að breyta Hringbrautinni í svæði sem getur allt í senn verið notalegur dvalarstaður sem og samgöngumannvirki sem tryggir greitt og öruggt flæði fólks milli svæða? Auk inngangs skiptist ritgerðin í sjö kafla. Hugmyndafræðilegri uppbyggingu ritgerðarinnar er lýst í fyrsta kafla en hún byggir á því að horft er til fortíðar, nútíðar og framtíðar og bera kaflaheiti nöfn samkvæmt því. Í niðurlagi ritgerðarinnar er rannsóknarspurningunni skipt upp í tvennt. Annars vegar má segja að spurningin snúi að því hvers vegna Hringbrautin sé eins og hún er í dag. Ástæður þess virðist mega rekja til fyrri tíma skipulagsáherslna þar sem einkabílnum var gefið sérstakt vægi. Hins vegar er spurt að því hvort leiðir séu færar til að breyta Hringbrautinni í svæði sem getur allt í senn verið notalegur dvalarstaður sem og samgöngumannvirki sem tryggir greitt og öruggt flæði fólks milli svæða. Í stuttu máli þá virðist það svigrúm vera til staðar. Núgildandi skipulag virðist ýta undir að svo geti orðið og vel getur farið á því að styðjast við hugmyndafræðina um samnýtt rými til þess að útfæra nánar það svæði sem ritgerðin tekur til.