Kirkjugarðurinn á Siglufirði aukið hlutverk

• Main Author: Guðni Brynjólfur Ásgeirsson 1993-
• Other Authors: Landbúnaðarháskóli Íslands
• Format: Thesis
• Language: Icelandic
• Published: 2017
• Subjects: Siglufjörður; Kirkjugarðar; Gönguleiðir; Gróðurfar; Hönnun; Hlíð; Höfn; Reykjavík; Setur; Svip; Svæði
• Online Access: http://hdl.handle.net/1946/27990

Kirkjugarðar eru víða staðsettir miðsvæðis með góðar tengingar. Þeir eru einnig oft plássfrekir og taka dýrmæt svæði. Því er víða farið að endurtúlka hlutverk þeirra og skoða hvort opna megi svæðið og endurskilgreina helgunina. Erlendis eru kirkjugarðar orðnir vinsæl útivistar svæði, vegna þátta eins og staðaranda, skjóls og trjágróðurs. Í bæjarfélögum hér á landi eru víða komnir tveir eða fleiri kirkjugarðar. Mikilvægt er að skoða hver staðan er og hvort gamlir kirkjugarðar geti fengið aukið hlutverk, eins og sjá má í Hólavallakirkjugarði í Reykjavík. En hann er einn samhangandi trjálundur sem setur mikinn svip á umhverfið og er eitt stærsta opna menningarminjasvæði innan borgarmarkanna. Gamli Siglufjarðarkirkjugarður hefur einstaka staðsetningu í mjög brattri hlíð miðsvæðis fyrir ofan kirkjuna. Með góðar sjónlínur niður að höfn og göngutengingar við útivistarsvæði og gönguleiðir út úr bænum. Nú þegar er samtal á milli kirkjunnar og miðbæjarins, þar sem tröppur í beinni línu við helstu verslunargötu bæjarins liggja að kirkjunni. Aðrar eins tröppur liggja upp með kirkjugarðinum, en hlutverk þeirra er ekki eins skilvirkt. Meginmarkmið þessa verkefnisins er að móta raunhæfa tillögu um aukið hlutverk kirkjugarðsins á Siglufirði sem almenningsrými, þar sem helstu kostir svæðis eru varðveittir inn í nýja tillögu sem byggir á að opna garðinn og bæta tengingar þannig að hann verði hluti af miðbæjarheild Siglufjarðar og útivistarsvæði ofan byggðar. Við mótun á hönnunarforsendum verkefnisins var unnið með sögu garðsins, sérstöðu og menningarsögulegt gildi. Í hönnunartillögu er gróðurstrúktúr endurskoðaður þannig að garðurinn styðji betur við sjónrænar tengingar og upplifun. Þá er lagt upp með að bæta og endurgera tengingar. Hugmyndin er hógvær og leggur megin áherslu á að varðveita sérkenni garðsins og að vinna með gróður í vistfræðilegum anda. Verkefnið ætti að nýtast fleiri sveitarfélögum með vel staðsetta gamla kirkjugarða.