Flokkun sorps í Reykjavíkurborg: Af hverju eru ekki flokkunartunnur við hvert heimili?

• Main Author: Helga Frímann Kristjánsdóttir 1992-
• Other Authors: Háskóli Íslands
• Format: Thesis
• Language: Icelandic
• Published: 2017
• Subjects: Stjórnmálafræði; Sveitarfélög; Sorpflokkun; Reykjavík; Reykjavíkurborg
• Online Access: http://hdl.handle.net/1946/27158

Sum sveitarfélög á Íslandi hafa á síðustu árum tekið þá ákvörðun að flokkunartunnur skuli vera við hvert heimili en í Reykjavík er það valkvætt. Engu að síður er skylda að flokka ýmis efni í Reykjavíkurborg og því eru gráar tunnur, fyrir óflokkaðan úrgang, ekki tæmdar ef til dæmis pappír er í tunnunum. Leitast var við að finna ástæður fyrir þessari ákvörðun borgaryfirvalda en á einhverjum tímapunkti hafði það verið planið að flokkunartunnur væru við hvert heimili. Fyrir greininguna voru tekin tvö viðtöl, annars vegar við starfsmann Reykjavíkurborgar og hins vegar við starfsmann SORPU. Komist var að þeirri niðurstöðu að þrír þættir; pólitískur vilji, fjármagn og samstaða eða samkeppni hefðu allir áhrif á þessa ákvörðun. Svo virðist sem að ekki hafi verið pólitískur vilji til þess að setja flokkunartunnur við hvert heimili, mögulega vegna þess að stefnumótandi aðilum þótti sú leið sem var farin fýsilegri. Hér er dregin sú ályktun að fleira hafi legið að baki, til dæmis togstreita um fjármögnun verkefnisins og skortur á samstöðu. Talið er að meginástæðan fyrir því að fallið var frá hugmyndinni um flokkunartunnur við hvert heimili, hafi verið þrýstingur einkaaðila sem bjóða upp á sorphirðuþjónustu í Reykjavík.