| Summary: | Sumardvalir barna í sveit eiga sér langa hefð í íslensku samfélagi og hafa félagsmála- og barnaverndaryfirvöld í Reykjavík um árabil haft milligöngu um að börn fari í sveit auk þess sem eitt hlutverk barnaverndarnefnda var að hafa eftirlit með sveitaheimilunum. Rannsóknin er hluti af rannsókninni „Óháður flutningur íslenskra barna á 20. öldinni“ og er þverfræðileg rannsókn gerð á tímabilinu 2015-2017. Markmið rannsóknarinnar var að fanga upplifun og reynslu fagfólks, sem starfaði á vegum félagsmálayfirvalda og barnaverndarnefndar í Reykjavík árin 1970-2015, á úrræðinu sumardvöl í sveit. Sérstaklega var skoðað hvaða þættir lágu til grundvallar því að fagfólk tók ákvörðun um sveitadvöl barns og hvernig ákvörðun var tekin um sveitaheimili. Eigindlegri rannsóknaraðferð var beitt. Tekin voru sex einstaklingsviðtöl og tvö rýnihópaviðtöl við fagfólk sem hafði reynslu af úrræðinu á rannsóknartímabilinu. Niðurstöður rannsóknarinnar leiddu í ljós að tengsl foreldra við félagsmálayfirvöld eða barnaverndarnefnd hafa verið skilyrði fyrir því barn fór í sumardvöl, óháð því hvaða tími er skoðaður. Þá bendir rannsóknin til þess að fagfólk treysti á að það eftirlit sem unnið var í umdæmi sumardvalarinnar hafi verið fullnægjandi. Þá benda niðurstöður til þess að eftirlit hafi ekki verið eins og tilgreint var í reglugerð. Ítrekað kom fram mikilvægi þess að tala við börnin og að fagfólk hafi mátt vera markvissara í því. Nokkuð var um að viðmælendur höfðu jákvæða reynslu af sumardvöl barna en upplifun þeirra af reynslu barnanna var að hún hafi verið misjöfn. Áhrif iðnvæðingar hefur sett mark á sumardvalir þar sem vélvæðingin leiddi til aukinnar hættu og minna varð við að vera. Rannsóknin getur gefið vísbendingar um gæði úrræðisins og hvort að sveitadvöl eigi rétt á sér í samtímanum. Þá getur hún einnig veit innsýn í hvort þörf sé á breytingum í verklagi fagfólks við ákvarðanatöku eða faglegu starfi því tengdu. Efnisorð: Sumardvöl í sveit, fagfólk, félagsráðgjöf, félagsmálayfirvöld, barnavernd. Summer placements of children in the ...
|
|---|