Gistimarkaður höfuðborgarsvæðisins: Er grundvöllur fyrir nýtt íbúðahótel í miðbæ Reykjavíkur?

• Main Author: Melkorka Ragnhildardóttir 1990-
• Other Authors: Háskóli Íslands
• Format: Thesis
• Language: Icelandic
• Published: 2016
• Subjects: Viðskiptafræði; Ferðaþjónusta; Hótel; Gistiheimili; Höfuðborgarsvæðið; Samkeppni í viðskiptum; Reykjavík
• Online Access: http://hdl.handle.net/1946/24675

Í þessari ritgerð rannsakaði höfundur viðskiptaumhverfi gististaða á höfuðborgar-svæðinu með áherslu á lagalegt umhverfi, samkeppni og viðskiptavini. Lögð var fram eftirfarandi rannsóknarspurning: Er grundvöllur fyrir nýju íbúðarhóteli í höfuðborgar-svæðinu? Ásamt undirspurningunum: Hvaða áhrif hefur íslenskur lagarammi á starfsemi gistiþjónustuaðila? Hvernig hefur samkeppni á markaði áhrif á starfsemi Reykjavík Apartments? Og hefur bakgrunnur ferðamanna áhrif á val á tegund gistingar? Til að leitast svara við þessum spurningum var notast við bæði megindlegar og eigindlegar rannsóknaraðferðir ásamt því að notuð voru fyrirliggjandi gögn frá Ferðamálastofu. Niðurstöður rannsóknar sýna að fjölgun ferðamanna undanfarin ár hefur haft jákvæð áhrif á þróun ferðamála og skilað auknum tekjum í íslenska þjóðarbúið. Síðustu ár hefur íslenskur gistimarkaður ekki haldið í við þá fjölgun ferðamanna og í kjölfarið hefur myndast umframeftirspurn á markaði. Til að mæta eftirspurninni hafa einstaklingar og félög leigt út gistiaðstöðu í gegnum Airbnb og sambærilega aðila. Íbúðagisting í þessum flokk hefur margfaldast frá árinu 2010 en íslenskur lagarammi hefur ekki tekið breyingum í takt við þá þróun. Við uppfærslu laga og skýrari skilgreiningu gistiflokka má ætla að samkeppnisumhverfi gististaða taki jákvæðum breytingum í kjölfarið. Þar sem enn er umframeftirspurn á markaði má ætla að samkeppni hafi ekki mikil áhrif á rekstur Reykjavík Apartments fyrst um sinn. Þegar fram líða stundir má þó gera ráð fyrir að gistimarkaður mettist og samkeppnin verði meiri. Helstu niðurstöður rannsóknar varðandi áhrifaþætti á vali á gistingu sýndu að aldur og tekjur hafa mestu áhrif. Eftir því sem fólk er eldra því frekar velur það að dvelja á hótelum og gistiheimilum fram yfir aðra tegund gistingar. Það sama gildir um tekjur ferðamanna, því hærri sem tekjurnar eru því frekar velur það sér að gista á hótelum og gistiheimilum. Markaðsvæði og þjóðerni höfðu engin áhrif á vali á gistingu. Út frá niðurstöðum rannsóknar telur rannsakandi að það sé ...