Summary: | Í rannsókn þeirri sem hér er kynnt og unnin var til fullnustu MA gráðu í spænskukennslu frá Háskóla Íslands, er viðfangsefnið að rannsaka hvaða áherslur og vinnuaðferðir séu hentugastar til þess að kenna byrjendum spænsku í íslenskum framhaldsskólum, nánar tiltekið í áfanganum SPÆ 103 eða sambærilegum áfanga á byrjendastigi. Markmið rannsóknarinnar fól í sér að greina helstu áherslur í spænskukennslu og spyrja hvort ástæða væri til þess að breyta þeim, og þá hvernig. Sjónum er fyrst beint að sögu tungumálakennslu. Því næst er gerð grein fyrir helstu rannsóknum og kenningaskólum um áhrifaríkar aðferðir við kennslu erlendra tungumála. Til þess að ganga úr skugga um hvaða námstilhögun og kennsluaðferðir er verið að nota í íslenskum framhaldsskólum var falast eftir samstarfi við skólana. Tölvupóstur var sendur á alla framhaldsskóla landsins sem kenna byrjendaáfanga í spænsku og óskað eftir upplýsingum um námsáætlanir og námsmat. Innsend gögn voru því næst greind og ályktanir dregnar. Umrædd greining studdist við og hafði að leiðarljósi stefnu stjórnvalda og áherslur varðandi tungumálakennslu á Íslandi og fram koma m.a. í Námskrá framhaldsskóla (2011), Námsskrá erlendra tungumála (1999) og Hvítbók (2014). Niðurstöður rannsóknarinnar sýna ótvírætt að ástæða er til breytinga. Í lok verksins er lögð fram tillaga að breytingum sem ætlað er að stuðla að breyttum kennsluháttum. Hún byggir á uppfærðum kenningagrunni samtímans, vaxandi áherslu á notkun nýrrar tækni og virkrar þátttöku nemenda. This study, conducted to complete a MA degree in teaching Spanish as a foreign language from the University of Iceland, aims to explore what would be the most appropriate method to develop and conduct a beginner’s course of Spanish, commonly identified as “Español 103”, or SPÆ 103, within the Icelandic secondary school system. The central research question aims at answering if modifications in structure, teaching tactics and methods are needed and, if so, how that change could be implemented. The research includes a study of the ...
|