Lestur og bókmenntakennsla : straumar og stefnur í bókmenntakennslu og viðhorf ungmenna til lesturs og bókmennta

• Main Author: Vordís Guðmundsdóttir 1990-
• Other Authors: Háskólinn á Akureyri
• Format: Thesis
• Language: Icelandic
• Published: 2015
• Subjects: Menntunarfræði; Meistaraprófsritgerðir; Unglingar; Bókmenntir; Lestrarvenjur; Akureyri; Strauma; Varpa; Vinnu; Háskólans á Akureyri; University of Akureyri
• Online Access: http://hdl.handle.net/1946/21938

Þetta meistaraverkefni er unnið upp úr gögnum sem aflað hefur verið í rannsókn sem ber verkefnaheitið Íslenska sem námsgrein og kennslutunga og er samvinnuverkefni Menntavísindasviðs Háskóla Íslands og Háskólans á Akureyri. Hef ég verið hluti af rannsóknarhópnum sem meistaranemi frá hausti 2013. Gagna var aflað frá hausti 2013 til vors 2015 en rannsókninni er ekki lokið þegar þetta er ritað. Í þessari ritgerð eru dregin út atriði sem snúa að lestri og bókmenntum í viðtölum við íslenskukennara á unglingastigi, umsjónarkennara 6. bekkjar og nemendahópa í 6. og 9. bekk. Markmið þessa verks er tvíþætt. Annars vegar að kanna hvernig bókmenntakennslu hefur verið háttað síðastliðna áratugi og nota meðal annars Skímu, málgagn móðurmálskennara, og aðalnámskrá grunnskóla til að varpa ljósi á strauma og stefnur ásamt því að styðjast við viðtöl við íslenskukennara á mið- og unglingastigi til að fá mynd af því hvernig kennslunni er háttað í dag. Hins vegar var markmiðið einnig að skoða lestrarvenjur og viðhorf ungmenna til lesturs og bókmennta í gegnum viðtöl við nemendahópa í 6. og 9. bekk. Helstu niðurstöður úr viðtölum leiddu í ljós að flestir nemendurnir virtust sjá mikið gagn í lestri en skiptar skoðanir voru þó á gagni bókmenntalesturs. Kennararnir sem rætt var við voru sammála um að mikil breidd væri í því hversu tilbúnir nemendur væru að takast á við bókmenntir. Yndislestur reyndist fastur liður hjá fimm af sex kennurum. Nokkur gróska var í þeim kennsluaðferðum sem kennararnir sögðust beita við bókmenntakennslu og nokkuð um skapandi vinnu. Í hinni faglegu umræðu um bókmenntakennslu má greina nokkur meginstef, meðal annars að erfitt sé að vekja áhuga nemenda á lestrinum og mikilvægt sé að nota viðeigandi texta sem nemendur ná tengingu við. This thesis has been compiled using data gathered from a study titled Icelandic as a school subject and a language of learning and teaching, which is a collaboration between the University of Iceland’s School of Education and the University of Akureyri. I have been a member of the ...