Mótorhjólaslys á Íslandi 2008-2014

• Main Authors: Ósk Kjartansdóttir 1983-, Sonja Marý Halldórsdóttir 1990-
• Other Authors: Háskóli Íslands
• Format: Thesis
• Language: Icelandic
• Published: 2015
• Subjects: Hjúkrunarfræði; Vélhjól; Umferðarslys; Höfði; Iceland
• Online Access: http://hdl.handle.net/1946/21671

Bakgrunnur: Slysahætta fylgir akstri mótorhjóla en ökumenn þeirra eru í átta sinnum meiri hættu á að slasast í umferðarslysi en ökumenn annarra faratækja. Mótorhjólum hefur fjölgað í umferðinni á undanförnum árum. Mikilvægt er að þekkja áhættuþætti mótorhjólaslysa til að þróa áhrifaríkar forvarnir sem gætu fækkað slysum og dauðsföllum. Markmið: Tilgangur rannsóknarinnar var að skoða og greina mótorhjólaslys á Íslandi ásamt því að vekja athygli á viðfangsefninu, upplýsa og fræða. Markmið var að efla þekkingu á áhættuþáttum mótorhjólaslysa og að niðurstöður rannsóknarinnar komi til með að nýtast til fræðslu og forvarna. Aðferð: Þátttakendur voru allir þeir sem komu á Landspítala í kjölfar mótorhjólaslysa á tímabilinu 2008 til 2014. Unnið var úr gögnum sjúkraskrá Landspítala og niðurstöður kynntar með lýsandi tölfræði. Niðurstöður: Alls komu 1348 einstaklingar á árunum 2008 til 2014 á Landspítala vegna mótorhjólaslysa. Á tímabilinu fækkaði komum á um 54%. Mikill meirihluti var karlmenn (89%). Algengast var að slysin ættu sér stað í dreifbýli að kvöldi til og yfir sumarmánuði. Mest var um að einstaklingar hlytu minniháttar áverka á útlimum. Ef um alvarlega áverka var að ræða voru þeir í flestum tilvikum á brjóstsvæði eða höfði. Hlutfall þeirra sem lögðust inn vegna áverka í kjölfar mótorhjólaslyss var 14% og í fjórum tilvikum varð banaslys. Ályktanir: Ljóst er að mótorhjólaslysum fer fækkandi á Íslandi. Því má gera ráð fyrir að fræðsla og forvarnir undanfarinna ára séu að bera árangur. Niðurstöður rannsóknarinnar eru mikilvægur þáttur í að skoða þróun og umfang mótorhjólaslysa á Íslandi og bera saman við erlendar rannsóknir. Einnig styðja þær við þekkingu á áhættuþáttum mótorhjólaslysa og hinar ýmsu stéttir eins og lögregla og ökukennarar gætu nýtt þá þekkingu til eflingu forvarna og þannig aukið öryggi ökumanna. Introduction: Riders of motorcycles are more exposed and therefore at a significantly higher risk of sustaining severe injuries in motor vehicle accidents. In recent years there has been a surge in the ...