Kynning ráðstefnuhalds Hörpu á erlendum vettvangi. Með hvaða hætti er hægt að efla kynningarstarf Hörpu sem ráðstefnuhúss á erlendum mörkuðum

• Main Author: Sindri Már Hjartarson 1990-
• Other Authors: Háskóli Íslands
• Format: Thesis
• Language: Icelandic
• Published: 2015
• Subjects: Viðskiptafræði; Harpa (tónlistar- og ráðstefnuhús); Markaðssetning; Ráðstefnuhald; Reykjavík; Mikla; Náð; Harpa
• Online Access: http://hdl.handle.net/1946/21482

Ferðaþjónustan á Íslandi hefur verið að stækka frá ári til árs og er í dag stærsta atvinnugrein á Íslandi. Þetta er hins vegar mjög fljöbreytt atvinnustétt og snertir marga fleti. Harpa, tónlistar- og ráðstefnuhús í Reykjavík var opnað 2011. Henni fylgdi ekki einungis fyrsta flokks aðstaða til tónleikahalds, heldur leit dagsins ljós ráðstefnuaðstaða sem átti eftir að gjörbreyta MICE markaðinum á Íslandi. MICE er einn af flokkum ferðamennsku sem hefur stækkað ört á Ísland á undanförnum árum og hefur Harpa þar mikið vægi. Harpa hefur fengið fjölda verðlauna fyrir aðstöðu sína til ráðstefnuhalds og hefur náð langt í hýsingu alþjóðlegra ráðstefna þrátt fyrir ungan aldur. Til þess að fá alþjóðlegar ráðstefnur í Hörpu þarf góða markaðssetningu. Fyrst og fremst þarf að kynna áfangastaðinn sem í þessu tilfelli er Reykjavík. Harpa er kjölfjárfestir í Meet in Reykjavík sem er opinber markaðsstofa fyrir MICE í Reykjavík. Þau sérhæfa sig að sækja ráðstefnur og sýningar til Reykjavíkur og er Harpa mjög sýnileg í þeirra kynningarmálum. Markaðsdeild Hörpu ásamt ráðstefnudeild hefur ekki lagt mikla áherslu að kynna Hörpu alþjóðlega sjálf, heldur hafa þau treyst á starfsemi Meet in Reykjavík. Breytingar voru í upphafi árs 2015 þar sem nýr starfsmaður var ráðinn í markaðsdeild Hörpu með það að leiðarljósi að breyta þeim áherslum og efla samtarfið við Meet in Reykjavík, auk þess að sjá hvar tækifærin liggja í sjálfstæðri markaðssetningu. Meet in Reykjavík er að vinna öflugt starf. Harpa þarf að vinna betur með þeim, læra hvað þau eru að gera til þess að efla markaðsstarfið. Ýmis tækifæri eru til staðar og er mjög margt sem Harpa má gera betur. Framundan er lærdómsferli hjá markaðsdeild Hörpu enda hefur Meet in Reykjavík sankað að sér mikilli þekkingu á alþjóðlegum ráðstefnum og sýningum.