"Dal einn vænan ég veit" : þekking unglinga í Dalvíkurbyggð og í Neskaupstað á nærumhverfi sínu

• Main Authors: Jónína Rakel Sigurðardóttir 1984-, Jónína Björk Stefánsdóttir 1983-
• Other Authors: Háskólinn á Akureyri
• Format: Thesis
• Language: Icelandic
• Published: 2015
• Subjects: Kennslufræði; Unglingastig grunnskóla; Grenndarkennsla; Söguvitund; Akureyri; Varpa; Inga; Dalvíkurbyggð; Háskólans á Akureyri; University of Akureyri
• Online Access: http://hdl.handle.net/1946/21353

Eftirfarandi ritgerð er lokaverkefni til B.Ed.-prófs við Kennaradeild Háskólans á Akureyri. Viðfangsefni hennar er grenndarfræði og könnun á þekkingu unglinga á nánasta umhverfi sínu. Gengið var út frá rannsóknarspurningunni: Hver er þekking nemenda á unglingastigi í Dalvíkurskóla og Nesskóla á nánasta umhverfi sínu og hefur staða nemenda í Dalvíkurskóla breyst hvað þetta varðar síðustu tíu ár? Ritgerðin skiptist í fjóra hluta. Í fyrsta hluta er fræðileg umfjöllun um hugtökin grenndarfræði, söguvitund, umhverfisvitund og grenndarvitund þar sem þessum hugtökum er lýst auk þess sem fjallað verður um mikilvægi þess að flétta þau inn í almennt skólastarf til að auka þekkingu nemenda á samfélagi sínu og umhverfi. Í öðrum hluta er byggðarsaga Dalvíkur og Neskaupstaðar reifuð, en þar verður m.a. stutt umfjöllun um landslag og náttúru byggðarlaganna og þá landnámsmenn er þar námu land. Jafnframt verður fjallað um hvernig byggð, atvinnuvegir, heilbrigðis- og menntamál hafa þróast í áranna rás. Er það gert til að varpa ljósi á bakgrunn þeirra nemenda sem tóku þátt í könnuninni. Þriðji hluti fjallar um könnunina sjálfa, þar sem m.a. er gerð grein fyrir ferli hennar, úrtaki, framkvæmd og niðurstöðum. Einnig voru svör einstakra spurninga nemenda úr Dalvíkurskóla borin saman við svör úr könnun sem Guðrún Inga Hannesdóttir lagði fyrir nemendur skólans árið 2005 í tengslum við B.Ed.-ritgerð sína, með það að markmiði að kanna hvort staða nemenda í Dalvíkurskóla hafi breyst sl. tíu ár. Í ljós kom að eingöngu þriðjungur til helmingur nemenda gátu svarað spurningum könnunarinnar rétt. Fjórði og síðasti hluti ritgerðarinnar inniheldur umræður þar sem niðurstöður eru dregnar saman og þær ræddar og að endingu stutt umfjöllun um hverju mögulega megi breyta í fræðslu unglinga svo þeir öðlist betri þekkingu á grenndarsamfélagi sínu. The following paper is a BEd thesis written at the Faculty of Education at the University of Akureyri. The subject is local studies and a survey conducted among teenagers on their knowledge of their local ...