Ráðstefnugesturinn og saga ráðstefnuhalds á Íslandi

• Main Author: Ingibjörg Hjálmfríðardóttir 1973-
• Other Authors: Háskólinn á Bifröst
• Format: Thesis
• Language: Icelandic
• Published: 2015
• Subjects: Ráðstefnur; Ráðstefnuhald; Ferðamenn; Ferðaþjónusta; Arðsemi; Gerðar; Borg; Merki; Iceland
• Online Access: http://hdl.handle.net/1946/20536

Mikil aukning erlendra ferðamanna hefur verið síðustu ár og munu þeir ná milljón áður en langt um líður. Hluti þessara erlendu ferðamanna eru ráðstefnugestir. Í þessari ritgerð eru birtar niðurstöður rannsókna sem gerðar voru til að skoða arðsemi ráðstefnuferðamanna á móti hinum almenna ferðamanni. Farið er yfir sögu ráðstefnuhalds á Íslandi í stuttu máli og hvernig hún tengist sögu ferðaþjónustu Íslands, framtíð ráðstefnuhalds, tengingu Tónlistar- og ráðstefnuhússins Hörpu og hversu mikil breyting Harpan er í raun fyrir ráðstefnu- og fundahald á Íslandi. Leitast er við að svara spurningunum hvort það sé greinilegur munur á daglegri eyðslu erlendra ráðstefnugesta og hins almenna erlenda ferðamanns. Stuðst er við eiginlegar og megindlegar rannsóknaraðferðir, eiginlegar í formi opinna viðtala og megindlegar þar sem tölfræði er skoðuð. Helstu niðurstöður voru þær að það eru skýr merki um það að erlendir ráðstefnugestir séu þó nokkuð verðmætari og eyða um helmingi meira á dag en hinn almenni ferðamaður. Einnig er það ljóst að þótt Harpan sé kærkomin viðbót í flóru ráðstefnuhalds þá er það ekki gjörbylting því það þarf meira að koma til, s.s. mikið markaðsstarf. Hins vegar gæti með tilkomu nýs hótels við Hörpu orðið mikil bylting í stærð þeirra ráðstefna sem Ísland gæti tekið á móti. Það þarf samt sem áður mikið samstarf á milli beggja aðila þ.e.a.s. Hörpu og hótelsins. Einnig kom í ljós að til að auka ferðmennsku á jaðar- og lágannatímum ætti ríki og borg í samstarfi við ferðaþjónustufyrirtæki að auka kynningu Reykjavíkur tengt ráðstefnu- og fundahaldi. Afritun er óheimil nema með leyfi höfundar.