Íslensk ferðaþjónusta í örum vexti. Ferðahegðun helstu ferðamannaþjóða

• Main Author: Brynjar Benediktsson 1990-
• Other Authors: Háskóli Íslands
• Format: Thesis
• Language: Icelandic
• Published: 2015
• Subjects: Hagfræði; Ferðaþjónusta; Iceland
• Online Access: http://hdl.handle.net/1946/20311

Frá 1949 hefur erlendum heimsóknum til Íslands fjölgað um 7,5% að meðaltali á ári og ef reiknað er með sama áframhaldandi vexti mun fjöldi ferðamanna tvöfaldast á tíu ára fresti. Þessi mikli vöxtur skilar miklum gjaldeyristekjum til landsins. Árið 2013 var ferðaþjónustan stærsta útflutningsgrein Íslands. Hins vegar hefur eyðsla á hvern ferðamann farið lækkandi undanfarin ár. Milli 2011 og 2013 lækkaði kortavelta í íslenskum krónum á hvern ferðamann um 11% á föstu verðlagi. Síðustu ár hefur verið mikil aukning á framboði á flugi til Íslands. Framboðið frá þeim þjóðum sem eiga 90% af gistinóttum hérlendis hefur aukist um 52% frá 2010. Aukningin hefur verið meiri utan háannartíma. Um 88% aukning hefur verið á framboði utan háannar en 21% yfir háannartíma. Þetta er í samræmi við lykilverkefni ferðaþjónustunnar um að lækka árstíðarsveiflu ferðamanna. Bretar, Bandaríkjamenn og Þjóðverjar eru fjölmennir hér á landi. Mikil aukning hefur verið á framboði á flugferðum frá þeim löndum frá árinu 2010. Árstíðarsveifla ferðamanna hefur minnkað í takt við aukningu á flugi utan háannartíma. Bretar eru fjölmennasta ferðamannaþjóðin hér á landi ásamt því að vera með minnstu árstíðarsveifluna. Tæplega 90% breskra ferðamanna koma til Íslands utan háannartíma. Þýskir ferðamenn koma mun meira yfir háannartíma eða rúmlega 60%. Með vexti á framboði á flugi til Íslands verður auðveldara að koma og dvelja styttra hér á landi. Gistináttafjöldi á hvern ferðamann hefur lækkað. Ferðamenn gista 21% færri nætur á hótelum og gistiheimilum en þeir gerðu árið 2002. Þjóðverjar eru þeir ferðamenn sem gista lengst af öllum ferðamönnum. Svisslendingar er þeir ferðamenn sem var með hæstu kortaveltu á hvern ferðamann hér á landi árið 2013 eða alls um 212.000 kr. Norðmenn koma næst á eftir með um 161.000 kr. Bretar eru fjölmennastir hér á landi ásamt því að vera með minnstu árstíðarsveifluna. Kortavelta þeirra á hvern ferðamann er hins vegar aðeins um 78.000 kr. eða 171% lægri en kortavelta Svisslendinga.