Ánægja kvenna með þá þjónustu sem þær fá frá ljósmæðrum í fæðingu og sængurlegu á kvennadeild FSA

• Main Authors: Drífa Steindórsdóttir, Hrafnhildur Guðmundsdóttir, Margrét Ívarsdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2004
• Subjects: Hjúkrun; Ljósmóðurfræði; Ljósmæður; Megindlegar rannsóknir; Eigindlegar rannsóknir; Akureyri; Veita; Kvenna
• Online Access: http://hdl.handle.net/1946/201

Rannsókn þessi er lokaverkefni til B.Sc. prófs í hjúkrunarfræði við Háskólann á Akureyri. Tilgangur rannsóknarinnar var að kanna ánægju kvenna með þá þjónustu sem þær fá frá ljósmæðrum í fæðingu og sængurlegu á kvennadeild Fjórðungssjúkrahúss Akureyrar (FSA). Rannsóknarspurningarnar voru þrjár:  Eru konur ánægðar með þá þjónustu sem ljósmæður á kvennadeild FSA veita þeim í fæðingu?  Eru konur ánægðar með þá þjónustu sem ljósmæður á kvennadeild FSA veita þeim í sængurlegu?  Hvaða þættir hafa áhrif á ánægju kvenna með þá þjónustu sem þær fá frá ljósmæðrum í fæðingu og sængurlegu á kvennadeild FSA? Notast var við megindlega og eigindlega rannsóknaraðferð. Í megindlegu rannsóknaraðferðinni var notast við tengsla og lýsandi rannsóknaraðferð en í eigindlegu rannsóknaraðferðinni var notast við fyrirbærafræði. Þátttakendur voru valdir með þægindaúrtaki og voru það konur sem fæddu börn sín á kvennadeild FSA á tímabilinu 1. desember 2003 til 29. febrúar 2004. Svarhlutfall þátttakenda var 74% eða 68 konur af 92 sem fengu spurningalistann afhentan. Við tölfræðilega úrvinnslu var notast við hugbúnaðinn Statistical package for social sciences (SPSS) og töflureikninn Microsoft Excel. Ítarleg heimildaleit var gerð til að fá góða mynd af viðfangsefninu. Ánægja kvenna í fæðingu og sængurlegu er mikilvægur mælikvarði á gæði þeirrar fæðingaþjónustu sem í boði er hverju sinni. Ekkert er mikilvægara heldur en sú umönnun sem ljósmóðir veitir því gæði þeirrar þjónustu endurspeglar upplifun konunnar. Þarfir einstaklinga hvað varðar gæði þjónustu eru mjög misjafnar og ánægja kvenna er eins og hver kona tjáir hana vera. Telja rannsakendur að ljósmæður séu í góðri aðstöðu til að nýta sér reynslu kvenna til að efla þá þjónustu sem í boði er og auka þ.a.l. ánægju kvenna með fæðingaþjónustu. Niðurstöður sýndu fram á almenna ánægju kvenna með þá þjónustu sem þær fá frá ljósmæðrum á kvennadeild FSA. Allar konur sem tóku þátt í rannsókninni voru annað hvort mjög ánægðar eða ánægðar með þjónustu ljósmæðra í fæðingu. Hins vegar voru 90% kvenna ...