"Eins og að stíga í næstu tröppu" : samfella við skólaskil leik- og grunnskóla í Kópavogi

• Main Author: Þórunn Jónasdóttir 1964-
• Other Authors: Háskóli Íslands
• Format: Thesis
• Language: Icelandic
• Published: 2014
• Subjects: Meistaraprófsritgerðir; Uppeldis- og menntunarfræði með áherslu á stjórnunarfræði menntastofnana; Skólabyrjun; Leikskólar; Grunnskólar; Kópavogur; Eigindlegar rannsóknir; Dewey; Duga
• Online Access: http://hdl.handle.net/1946/19687

Samfella við skil skólastiga er talin hafa afgerandi áhrif á upplifun barns af grunnskólagöngu sinni. Það er því eftir miklu að slægjast að byggja upp skólakerfi sem leggur áherslu á samfellu við skil leik- og grunnskóla. Hér verður nokkru ljósi varpað á hvernig samfellu við skólaskil í leik- og grunnskólum í Kópavogi er háttað. Margt hefur verið rætt og ritað um þetta efni á síðustu árum og því eru niðurstöður rannsóknarinnar skoðaðar í ljósi niðurstaðna fyrri rannsókna auk þess sem horft er til kenninga Dewey og Bronfenbrenner. Lög, námskrár og stefna sveitarfélagsins í skólamálum mynda ytri umgjörð um skólastarf og litið verður til áhrifa þessara þátta á samfellu við skólaskil. Rannsóknin er eigindleg og gagna var aflað með viðtölum við fulltrúa fræðsluyfirvalda í Kópavogi og fulltrúa tveggja skólahverfa: stjórnendur beggja skólastiga og mæður barna í 1. árgangi grunnskóla. Viðmælendur eru sammála um mikilvægi þess að hafa samfellu milli þessara skólastiga og markmið hennar sé að standa saman að því að byggja upp umhverfi og aðstæður sem stuðla að alhliða þroska og menntun hvers barns. Niðurstöður sýna að margt er gert í Kópavogi til að stuðla að samfellu við skólaskil milli leik- og grunnskóla. Greina má af svörum viðmælenda að samfella hefur aukist síðustu ár og margt gott verið unnið á því sviði. Fleira er í undirbúningi sem vænta má að leiði til aukinnar samfellu. Þó er ljóst að betur má ef duga skal. Ýmislegt er enn óunnið enda að mörgu að hyggja í svo viðamiklu verkefni. Margt sem lýtur að skipulagi og rekstri hefur ákveðin hamlandi áhrif og enn vantar nokkuð upp á að nógu skilvirk samræða eigi sér stað milli skólastiganna. „Next step up the ladder“: Continuity in Transition from Preschool to Elementary School Continuity during the transition from preschool to elementary school is perceived as having a significant effect on how a child experiences his years of primary education. There is, therefore, much to gain from a school system that emphasizes continuity throughout this transitional phase. This ...