Krafan um sérkenni í vörumerkjarétti

• Main Author: Hanna Guðmundsdóttir 1982-
• Other Authors: Háskólinn í Reykjavík
• Format: Thesis
• Language: Icelandic
• Published: 2014
• Subjects: Lögfræði; Vörumerkjaréttur; Varpa; Bak; Iceland
• Online Access: http://hdl.handle.net/1946/19203

Markmið þessarar ritgerðar er í meginatriðum að varpa ljósi á kröfuna um sérkenni í vörumerkjarétti og þau sjónarmið sem liggja að baki reglunni. Í upphafsköflum ritgerðar-innar verður fjallað um almenn atriði tengd vörumerkjarétti á Íslandi. Fjalla fyrstu kaflarnir meðal annars um stöðu vörumerkjaréttar í lögfræðinni og hvað telst vera vörumerki. Þá verður stofnunarháttur slíkra vörumerkja skoðaður sem og gildistími þeirrar verndar sem fæst með vörumerkjarétti. Í kjölfarið verða brot gegn vörumerkjarétti skoðuð en í 5. kafla er síðan vikið að meginumfjöllunarefni ritgerðarinnar, það er kröfunni um nægjanlegt sérkenni. Til að auka skilning lesanda á viðfangsefninu verður fyrst stuttlega fjallað almennt um kröfuna sjálfa sem og sögu hennar í íslenskum rétti. Ákvæðum vörumerkjalaga sem snúa að reglunni verða þá gerð skil en sérstaklega verður litið til 13. gr. laganna. Í 6. og 7. kafla er síðan farið yfir það sem getur valdið því að skráningaryfirvöld telji að vörumerki skorti sérkenni. Þá er skoðað hvort krafan sé eins fyrir allar tegundir vörumerkja og loks eru sjónarmið bak við regluna skoðuð. Í 8. kafla er síðan farið stuttlega yfir evrópsk áhrif á regluna og í þeim efnum eru stefnumarkandi dómar á borð við BABY-DRY og DOUBLEMINT skoðaðir, sem og þau áhrif sem þessir dómar höfðu á íslensku regluna. Í 9. kafla er síðan lagt í könnun þar sem er skoðað hvort íslenskur vörumerkjaréttur sé mögulega strangari en erlendur vörumerkjaréttur en í þeim efnum eru úrskurðir áfrýjunarnefndar og ákvarðanir Einkaleyfastofu skoðaðar þá sérstaklega með það í huga að skoða úrskurði eða ákvarðanir þar sem erlend vörumerki sem fengið hafa skráningu erlendis, meðal annars hjá OHIM, er synjað um skráningu hérlendis á grundvelli skorts á sérkenni. Í lokakafla ritgerðarinnar verða síðan lagðar fram niðurstöður höfundar um efni ritgerðarinnar og efnið dregið stuttlega saman. The main focus of this thesis is essentially to shed light on the requirement of a distinctive character in trademark law in Iceland and the underlying views ...