Gæðahandbók viðskiptadeildar Háskólans á Akureyri : tilvistargrundvöllur hennar og innihald

• Main Author: Júlía Sjörup Eiríksdóttir 1992-
• Other Authors: Háskólinn á Akureyri
• Format: Thesis
• Language: Icelandic
• Published: 2014
• Subjects: Viðskiptafræði; Gæðastjórnun; Handbækur; Háskólinn á Akureyri; Akureyri; Gerðar; Vinnu; Drög; Háskólans á Akureyri
• Online Access: http://hdl.handle.net/1946/19160

Verkefni þetta er lokaritgerð til B.Sc. gráðu í viðskiptafræði við Háskólann á Akureyri. Verkefnið fjallar um gæðastarf í háskólum á Íslandi og gerð gæðahandbókar í viðskiptadeild Háskólans á Akureyri. Deildin setti sér markmið í sjálfsmatsskýrslu sinni um að setja saman gæðahandbók á skólaárinu 2013-2014. Markmiðið með verkefni þessu er að rannsaka eftirfarandi spurningar áður en deildin fer í þessa vinnu. Spurningarnar eru: •Hvaða kröfur eru gerðar til gæða og gæðahandbóka í háskólum á Íslandi? •Hvernig uppfyllir Háskólinn á Akureyri þessar kröfur? •Er þörf á að setja fram gæðahandbók innan viðskiptadeildar Háskólans á Akureyri? Ef svo er hvernig væri best að setja hana fram? Leitast var eftir að svara rannsóknarspurningunum með gagnaöflun um hvernig kröfur eru gerðar af löggjafarvaldinu til háskóla á Íslandi. Í ljós kom að miklar kröfur eru gerðar til gæðastarfs í skólunum en nýlega var sett á laggirnar sérstakt gæðaráð íslenskra háskóla. Þó fundust engar sérstakar kröfur um að stofnanirnar myndu vinna eftir gæðahandbók eða hefðu slíkt plagg undir höndum. Þá var Háskólinn á Akureyri (HA) sérstaklega skoðaður þar sem verkefni þetta var unnið í samstarfi við viðskiptadeild skólans. Verkefnahöfundur komst að því að HA byggir gæðastarf sitt upp á gæðakerfi gæðaráðs íslenskra háskóla auk þess að fylgja lögum og reglugerðum ríkisins. Innan skólans starfar gæðastjóri og þar er virkt gæðaráð. Gæðaráðið tekur allar stórar ákvarðanir um gæðamál skólans en gæðastjórinn sér um og heldur utan um dagleg gæðastörf. Eftir að hafa skoðað starfsemi HA voru störf viðskiptadeildar skólans rannsökuð og tilvistargrundvöllur gæðahandbókarinnar. Rannsóknirnar sem voru gerðar voru gagnaöflun verkefnahöfundar, hagsmunaaðilagreining með valdaáhrifafylkinu og fundir með helstu hagsmunaaðilahópum. Niðurstaðan var sú að tilvistargrundvöllur væri til staðar fyrir gæðahandbók og voru sett fram drög að innihaldi hennar. Lykilorð: Gæðahandbók, gæðakerfi, gæðastarf í háskólum, viðskiptadeild og gæðastjórnun. This thesis covers the matter of ...