Hvað er hekl? : fræðileg umfjöllun

• Main Author: Sóley Sævarsdóttir
• Other Authors: Háskóli Íslands
• Format: Thesis
• Language: Icelandic
• Published: 2008
• Subjects: Hekl; Textílar; Mynstur; Handavinna; Akureyri; Hjálp
• Online Access: http://hdl.handle.net/1946/1876

Grunnskólabraut Efnisval ritgerðarinnar kviknaði þegar ég vann verkefni í Kennaraháskóla Íslands. Við áttum að fara á stúfana og taka viðtöl við eldra fólk og skrá heimildir. Ég heimsótti m.a. tvær eldri konur í heimabyggð minni og spurði þær spjörunum úr í sambandi við milliverk í rúmfötum um aldamótin 1900. Meðan á þessu verkefni stóð kviknaði áhugi minn á hekluðum milliverkum. Þegar ég var búin að ákveða að kynna mér hvernig hekluð milliverk í rúmfötum voru um aldamótin 1900 hér á Íslandi skoðaði ég hvað til væri af heimildum og í ljós kom að ekki eru til margar heimildir um efnið. Einnig athugaði ég hvort einhver í Kennaraháskóla Íslands hafi skrifað um hekl. Aðeins ein ritgerð var til. Eftir þessa leit fannst mér ég þurfa að kanna efnið betur. Í heimildaleit minni fann ég töluvert af mynsturbekkjum og uppskriftum af hekluðum milliverkum sem Jenný Karlsdóttir frá Akureyri hefur safnað og gefið út í nokkrum bæklingum. Mig langaði til að kanna þetta efni betur Þegar skrifin á þessari ritgerð hófust kom upp mikil ritstífla og var undirrituð hætt við að klára þetta verk. Það var ekki fyrr en ég tilkynnti vinum og vandamönnum þá ákvörðun mína að hjólin fóru að snúast og ótrúlegasta fólk bauð hjálp sína við að leita í gömlum blöðum og bókum hjá sér. Ég fékk í hendur mjög slitnar mynsturbækur og blöð, gamlar og gular heklaðar prufur sem ömmur og langömmur höfðu einhvern tímann gert. Þakka ég þessu góðviljaða fólki fyrir hjálpina. Lykilorð: Textílmennt.