Forvarnargildi áhugahvetjandi samtals. Rannsóknaráætlun

• Main Author: Andrea G. Ásbjörnsdóttir 1982-
• Other Authors: Háskóli Íslands
• Format: Thesis
• Language: Icelandic
• Published: 2014
• Subjects: Hjúkrunarfræði; Forvarnir; Fíkniefnaneytendur; Meðferð; Framhaldsskólanemar; Reykjavík
• Online Access: http://hdl.handle.net/1946/18648

Þetta lokaverkefni er áætlun að rannsókn sem ætlað er að meta forvarnargildi áhugahvetjandi samtals fyrir framhaldsskólanema sem nota vímugjafa. Mikill meirihluti þeirra unglinga sem ljúka grunnskóla á Íslandi hefja nám í framhaldsskóla en brottfall úr framhaldsskólum er hátt. Notkun vímugjafa eykst þegar nemendur hefja nám í framhaldsskólum og er enn algengari meðal þeirra sem hætta námi. Þörf er á úrræði til þess að sporna við þessari þróun og efla framhaldsskólana til að aðstoða nemendur sína til farsællar skólagöngu. Áhugahvetjandi samtal gæti reynst vel í þessum tilgangi en það er íhlutun sem hjálpar fagaðilum að hvetja skjólstæðinga sína til hegðunarbreytinga. Áhugahvetjandi samtal hefur reynst vel erlendis í samtölum við unglinga sem stunda áhættuhegðun eins og notkun vímugjafa. Til að meta árangur slíkrar íhlutunar er lagt til að gerð verði samanburðarrannsókn í tveimur framhaldsskólum í Reykjavík. Þátttakendur yrðu framhaldsskólanemar á öðru ári. Þeir sem veljast í íhlutunarhóp hafa neytt vímugjafa þrisvar sinnum eða oftar síðast liðinn mánuð. Spurningalistar sem mæla neyslu og líðan þátttakenda eru lagðir fyrir í upphafi rannsóknar og í tvö skipti að henni lokinni, þremur og sex mánuðum síðar. Allir nemendur sem samþykkja þátttöku svara spurningum burtséð frá því hvort þeir hafi fengið íhlutun. Niðurstöður skólanna verða að lokum bornar saman til þess að meta hvort áhugahvetjandi samtal dragi úr neyslu vímugjafa í þeim skóla þar sem íhlutunin fer fram. Leiði niðurstöður rannsóknarinnar í ljós að áhugahvetjandi samtal hafi forvarnargildi má innleiða slíka íhlutun í framhaldsskólum. Skólaheilsugæsla í framhaldsskólum gæti sinnt því hlutverki því stór hluti hjúkrunarfræðinga hjá Heilsugæslu höfuðborgarsvæðisins hefur hlotið grunnþjálfun í áhugahvetjandi samtali. Með aukinni skólaheilsugæslu í framhaldsskólum og þeirri þekkingu sem mannauður heilsugæslunnar býr yfir væri hægt að sinna framhaldsskólanemum í þeirra nærumhverfi og stuðla að bættri heilsu og farsælli skólagöngu. This final assignment is a ...