Er yfir oss vakað? Sálgæsla og spíritismi hjá þremur íslenskum prestum

• Main Author: Þórunn Ragnheiður Sigurðardóttir 1965-
• Other Authors: Háskóli Íslands
• Format: Thesis
• Language: Icelandic
• Published: 2014
• Subjects: Djáknanám; Sálgæsla; Spíritismi; Prestar; Haraldur Níelsson 1868-1928; Jón Auðuns 1905-1981; Sigurður Haukur Guðjónsson 1927-2007; Reykjavík
• Online Access: http://hdl.handle.net/1946/18154

Þessi ritgerð fjallar um þrjá íslenska presta sem aðhylltust spíritsma og notuðu vitneskjuna sem þeir sögðust hafa aflað sér um framhaldslífið í starfi sínu til sálgæslu fyrir þá syrgjendur sem aðhylltust slíka þekkingarleit. Í fyrsta kafla er rætt um hvað þjóðkirkjan hefur að segja um framhaldslífið, sálgæsluhlutverk hjá prestum og sálgæsluhlutverk almennt, einnig er rætt um spíritisma og sálarrannsóknir á Íslandi. Annar kafli fjallar um séra Harald Níelsson, þar er farið yfir æviágrip hans, sagt frá hvers vegna áhugi hans á spíritisma vaknaði, þátttöku hans í Tilraunafélaginu, hvernig miðilsfundirnir voru uppbyggðir, sálarkrísu sem Haraldur komst í vegna veikinda konu sinnar og hvernig hann fær endurnýjaða trú á lífið. Einnig er talað um Indriða miðil og illan anda sem komst í gegn hjá honum á fundi og gerði ýmsan óskunda. Farið er yfir æviágrip seinni konu Haraldar, Aðalbjargar Sigurðardóttur. Fjallað er um Harald sem prest og sem sálusorgara og í lokin er sagt frá stofnun Sálarrannsóknarfélags Íslands og fjallað um aukinn áhuga fólks á spíritsma. Í þriðja kafla er fjallað um séra Jón Auðuns og hvers vegna hann aðhylltist spíritsma. Fjallað er um skoðanir hans og hugmyndir um sálarrannsóknir og starf hans sem prests. Fjórði kafli fjallar um séra Sigurð Hauk Guðjónsson, farið er yfir æviágrip hans og hvernig áhugi hans á spíritisma vaknar. Þá er fjallað um prestsstarf séra Sigurðar og sérstaka náðargáfu hans. Í kaflanum er einnig sagt frá starfsemi miðla í Reykjavík og svikum sem þeim tengjast. Í fimmta kafla er sagt frá viðtölum sem tekin voru á miðilsfundum við prestana þrjá eftir andlát þeirra og gefin út á bók árið 2013. Í lokakaflanum eru dregin saman helstu atriðin sem tengjast sálgæslu og spíritisma hjá prestunum þremur.