| Summary: | Verkefnið er lokað Þessi ritgerð er lokaverkefni til B.Ed. gráðu við kennaradeild Háskólans á Akureyri vorið 2008. Markmiðið með verkefninu var að leita svara við spurningunni; Hvernig er fjölgreinanámi í Nesskóla háttað og hver eru markmið þess? Í fyrri hluta ritgerðarinnar er gerð grein fyrir þeim áherslum sem Aðalnámskrá grunnskóla leggur til grunvallar námi og kennslu. Einnig er fræðileg umfjöllun um aga- og hegðunarvanda auk þess sem fjallað er um algengar þroskatruflanir. Í Aðalnámskrá kemur fram að öll börn skuli fá jöfn tækifæri til náms. Börn og unglingar eru ólík að upplagi og sterkustu áhrifavaldar í mótun þeirra eru umhverfi, erfðir, foreldrar og fjölskylda. Ástæður hegðunarvanda barna geta verið margvíslegar og má þar nefna annars vegar líffræðilegar ástæður og er þá átt við þroskatruflanir, eða hins vegar félagslegar en fyrir þeim liggja ótal ástæður. Í seinni hlutanum er fjallað um rannsókn á starfi nýrrar námsbrautar, fjölgreinanáms við Nesskóla sem sett var á stofn haustið 2007. Tilgangur rannsóknarinnar var að kanna hvernig staðið væri við bakið á nemendum með hegðunarvanda og hvað Nesskóli hefur gert til þess að koma til móts við þarfir þessara nemenda. Rannsóknin var annars vegar í formi viðtala við skólastjóra Nesskóla og verkefnisstjóra fjölgreinanámsins og hins vegar byggð á eigin athugunum. Rannsóknin leiddi í ljós að markvisst starf við félagslega uppbyggingu nemenda í fjölgreinanáminu hefur skilað tilætluðum árangri sem kemur m.a. fram í breyttu viðhorfi gagnvart skólanum og bættri andlegri líðan.
|
|---|